મેક્સિકોમાં કોરોના વાયરસનો ચોંકાવનારો કિસ્સો સામે આવ્યો છે. જ્યાં ટ્રિપ્લેટ્સ એટલે કે એકસાથે જન્મેલા ત્રણ બાળકો કોરોના વાયરસથી સંક્રમિત થયા છે. જો કે, આશ્ચર્યની વાત તો એ છે કે, બાળકોના માતા-પિતા કોરોના નેગેટિવ છે. આ કિસ્સા ડૉક્ટરોને પણ અચંબિત કર્યા છે અને ત્યાંના સ્વાસ્થ્ય અધિકારીઓએ સમજવાની કોશિશ કરી રહ્યા છે કે આવું કયા કારણે થયું હોઈ શકે છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો
સ્વાસ્થ્ય અધિકારીઓનું માનીએ તો, તેમણે આવો કિસ્સો પહેલા જોયો નથી કે સાંભળ્યો નથી. આ ટ્રિપ્લેટમાં એક છોકરી અને બે છોકરાઓ છે. સાડા સાત મહિને જન્મેલા આ ત્રણેય બાળકોનો સાન લુઈસ પોટોસીમાં કોરોના ટેસ્ટ કરાવવામાં આવ્યો હતો. જ્યાં તેમનો રિપોર્ટ પોઝિટિવ આવ્યો હતો. સ્વાસ્થ્ય અધિકારીઓના કહેવા પ્રમાણે, શરૂઆતમાં લાગ્યું કે બાળકોની માતા કોરોનાની અસિમ્પ્ટોમેટિક દર્દી હશે અને તેના દ્વારા બાળકોને ચેપ લાગ્યો હશે. જેથી બાળકોનો રિપોર્ટ આવ્યા પછી માતા-પિતાનો પણ ટેસ્ટ કરાવ્યો પરંતુ બંનેનો રિપોર્ટ નેગેટિવ આવ્યો.
સ્વાસ્થ્ય સચિવ મોનિકા રંગેલે પ્રેસ કોન્ફરંસમાં કહ્યું, “બાળકોના માતા-પિતાના કોરોના ટેસ્ટ નેગેટિવ આવ્યા છે. અમે આ કેસ પર સંપૂર્ણ ધ્યાન આપી રહ્યા છીએ. અમે નિષ્ણાત ટીમને આ અંગે તપાસ કરવાનો આગ્રહ કર્યો છે.” આ બાળકોની સંભાળ રાખતાં ડૉક્ટરોએ જણાવ્યું, “ત્રણેય બાળકોનો જન્મ 17 જૂને થયો હતો. ત્રણમાંથી બે એકદમ સ્વસ્થ હતા અને કોરોનાના કોઈ લક્ષણ નહોતા. જ્યારે ત્રીજા બાળકમાં ન્યૂમોનિયા જેવા લક્ષણ હતા. પરંતુ હવે તેની તબિયત પણ સારી છે.”
હાલ તો આ ત્રણેય બાળકોને ડૉક્ટરોના ઓબ્ઝર્વેશનમાં હોસ્પિટલમાં જ રાખવામાં આવશે તેમ સ્વાસ્થ્ય સચિવે કહ્યું. જણાવી દઈએ કે, મેકિસકોમાં કોરોના વાયરસના 1,90,00 કેસ નોંધાયા છે અને કુલ 23,377 લોકોના મોત થયા છે.
from Page Array – I Am Gujarat https://ift.tt/37WHh11
No comments:
Post a Comment