અમિતાભ બચ્ચન-આયુષ્માન ખુરાનાની ફિલ્મ ‘ગુલાબો સિતાબો’ પર સ્ક્રિપ્ટ ચોરી કરવાનો આરોપ

રિલીઝ પહેલા ગુલાબો સિતાબો મુશ્કેલીમાં

પાછલા લાંબા સમયથી અમિતાભ બચ્ચન અને આયુષ્માન ખુરાનાની આગામી ફિલ્મ ‘ગુલાબો સિતાબો’ની રિલીઝની રાહ જોવાઈ રહી છે. કેટલાક દિવસો પહેલા જ આ ફિલ્મનું ટ્રેલર રિલીઝ થયું હતું, જેને ખૂબ પસંદ કરાયું હતું. હવે ફેન્સ તેના ઓનલાઈન રિલીઝ થવાની રાહ જોઈ રહ્યા છે. પરંતુ રિલીઝ પહેલા જ ફિલ્મ મુશ્કેલીમાં ફસાતી જોવાઈ રહી છે. હકીકતમાં તેના પર સ્ટોરી ચોરી કરવાન આરોપ લગાવીને ફરિયાદ કરાઈ છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:  

રાઈટર પર સ્ક્રીપ્ટ ચોરી કરવાનો આરોપ લાગ્યો

‘ગુલાબો સિતાબો’ની લેખિકા જૂહી ચતુર્વદી પર આ આરોપ લાગ્યો છે. વકીલ રિઝવાન સિદ્દિકીનો દાવો છે કે ‘ગુલાબો સિતાબો’ની સ્ક્રિપ્ટ તેમના ક્લાયન્ટ મૃતક રાજીવ અગ્રવાલે લખી હતી અને જૂહી ચતુર્વેદીએ આ સ્ક્રિપ્ટને ચોરી લીધી. હવે રાજીવના દીકરા અકીરાએ લીગલ નોટિસ મોકલીને ફિલ્મની સ્ક્રિપ્ટ બતાવવાની માગણી કરી છે.

પ્રોડક્શન હાઉસે આરોપો પાયા વિહોણા ગણાવ્યા

વકીલ રિઝવાન સિદ્ધિકીએ અકીરા તરફથી આ નોટિસ ડાયરેક્ટર શૂજીત સરકાર અને પ્રોડ્યુસર અરિજીત ધ્રૂવ લહરી અને રાઈટર જૂહી ચતુર્વેદીને મોકલી છે. આ નોટિસમાં સ્પષ્ટ રીતે સ્ક્રીપ્ટની ચોરીની વાત કરવામાં આવી છે. જોકે પ્રોડક્શન હાઉસ તરફથી આ આરોપોનો જવાબ આપતા તેને પાયાવિહોણા ગણાવાયા હતા.

જૂહી પર ‘ઓક્ટોબર’ની સ્ક્રીપ્ટ ચોરવાનો આરોપ લાગી ચૂક્યો

અકીરાનો દાવો છે કે, જ્યારે તેણે ફિલ્મનું ટ્રેલર જોયું ત્યારે તેને ખબર પડી કે ફિલ્મની સ્ક્રિપ્ટ તો તેના પિતાએ લખેલી સ્ક્રિપ્ટ જેવી છે. વકીલ રિઝવાન સિદ્દિકીએ જણાવ્યું કે, તેણે ફિલ્મના રાઈટર, ડાયરેક્ટર અને પ્રોડ્યુસર વિરુદ્ધ જૂહુ પોલીસ સ્ટેશનમાં ફરિયાદ નોંધાવી છે. જૂહી પર કથિત રીતે ફિલ્મ ‘ઓક્ટોબર’ની સ્ક્રિપ્ટ ચોરી કરવાનો પણ આરોપ લાગ્યો હતો.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat https://ift.tt/3cFZ39s