કોરોનાને હરાવીને ઠીક થઈ દીપિકાની મમ્મી-દાદી, કહ્યું ‘વીડિયોના કારણે ફટાફટ મળી મદદ’

‘દીયા ઔર બાતી હમ’ ફેમ એક્ટ્રેસ દીપિકા સિંહને હાલમાં ખૂબ જ ખરાબ અનુભવ થયો હતો. જ્યારે દિલ્હીમાં રહેતી તેની માતાનો કોવિડ 19 ટેસ્ટ પોઝિટિવ આવ્યો હતો અને તેમને કોઈ પણ હોસ્પિટલમાં બેડ મળ્યો નહોતો. તેની માતાનું ઓક્સિજન લેવલ ઘટી ગયું હોવા છતાં બેડ ઓછા હોવાના કારણે તેમને હોસ્પિટલમાં ખસેડી શકાયા નહીં. જે બાદ એકદમ નિરાધાર બની ગયેલી દીપિકાએ સોશિયલ મીડિયા પર એક વીડિયો પોસ્ટ કરીને દિલ્હી સરકાર પાસેથી મદદ માગી હતી.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

દીપિકાની ઈન્સ્ટાગ્રામનો સ્ક્રીનશોટ

અમારા સહયોગી બોમ્બે ટાઈમ્સ સાથે વાતચીત કરતાં એક્ટ્રેસે કહ્યું કે, ‘મારા પિતાએ ખૂબ ભાગદોડ કરી પરંતુ બધુ નિરર્થક સાબિત થયું. મારા દીકરાની ઉંમર માત્ર 3 વર્ષ જ છે, તેથી હું દિલ્હી પણ જઈ શકતી નહોતી. કોઈ પણ મદદ મળવાની આશા ન રહેતા મેં વીડિયો પોસ્ટ કર્યો હતો. તરત જ મને દિલ્હી સરકારના અધિકારીઓ તરફથી ફોન આવ્યો અને હું તેમની ખરેખર આભારી છું’. બાદમાં દીપિકાના દાદી શૈલા દેવીનો રિપોર્ટ પણ પોઝિટિવ આવ્યો હતો.

માતાની તબિયત ઠીક ન હોવા પર વીડિયો શેર કરતાં દીપિકા ટ્રોલ પણ થઈ હતી. જે અંગે તેણે કહ્યું કે, ‘જ્યારે મારી માતા બીમાર હતી અને હું સોશિયલ મીડિયા પર એક્ટિવ હતી તે વાતને લઈને ઘણા લોકોએ મને સંભળાવ્યું હતું. પરંતુ મને લાગે છે કે, મેં વીડિયો પોસ્ટ કર્યો તેના કારણે જ સમયસર મદદ મળી હતી’.

એક્ટ્રેસની માતા અને દાદી રિકવરીના સ્ટેજમાં છે ત્યારે તેને આઈસોલેશન અંગેની ચિંતા સતાવી રહી છે. તેણે કહ્યું કે, ‘જ્યારે આપણે ન્યૂ નોર્મલ અપનાવી રહ્યા છીએ ત્યારે ઘરડા લોકોને સોશિયલ ડિસ્ટન્સિંગનું મહત્વ સમજાવવું અઘરું છે. આપણે તેમનું કાળજી અને ધીરજથી ધ્યાન રાખવાની જરૂર છે’.

મુંબઈમાં ભારે વરસાદ બાદ સોશિયલ ડિસ્ટન્સિંગના પાલન સાથે આ એક્ટરે કરી બીચની સફાઈ

from TV News in Gujarati, Tellywood News in Gujarati, ટેલિવિઝડ ન્યૂઝ ગુજરાતીમાં, Latest Tellywood News – Page Array – I Am Gujarat https://ift.tt/3gHnoxY