જલ્દી શરૂ થશે ‘ધ કપિલ શર્મા શો’નું શૂટિંગ, લોકડાઉનનો આ રીયલ હીરો હશે મહેમાન

કપિલ શર્મા શોનું શૂટિંગ ફરી શરૂ થશે

લોકડાઉનના કારણે ટીવી શોના શૂટિંગ બંધ કરી દેવાયા હતા. મહારાષ્ટ્ર સરકારની ગાઈડલાઈન્સ બાદ ધીમે-ધીમે ટીવી શો અને ફિલ્મોનું શૂટિંગ શરૂ થઈ રહ્યું છે. લોકો કપિલ શર્માના કોમેડી શોના નવા એપિસોડની રાહ જોઈ રહ્યા છે. શોના મેકર્સ કમબેકની તૈયારી કરી રહ્યા છે. રિપોર્ટ્સ મુજબ, જલ્દી જ કપિલના શો ‘ધ કપિલ શર્મા શો’ની શૂટિંગ શરૂ થવાની છે. સરકારના દિશાનિર્દેશોને ધ્યાનમાં રાખીને 15 જુલાઈથી શોનું શૂટિંગ શરૂ કરી દેવામાં આવશે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

આ એક્ટર હશે મહેમાન

અન્ય ટીવી શોના શૂટિંગ માટે જે પ્રકારે સરકારની ગાઈડલાઈન્સનુ પાલન કરાઈ રહ્યું છે. આવી જ રીતે મેકર્સ ‘ધ કપિલ શર્મા શો’ના શૂટિંગ પર આ નિયમોનું ધ્યાન રાખશે. કહેવાઈ રહ્યું છે કે નવા એપિસોડ્સની સ્ક્રિપ્ટ લોક કરી દેવાઈ છે. આ ઉપરાંત ટીમની કાસ્ટ સહિત કપિલ શ્રમા વીડિયો કોન્ફરન્સિંગ દ્વારા રિહર્સલ કરી રહ્યો છે. લોકડાઉન બાદ ધ કપિલ શર્મા શોનો આ પહેલો એપિસોડ હશે. કપિલ શર્મા શો પર આ વખતે સૌથી પહેલા મહેમાન તે હશે જે લોકડાઉનમાં લોકો માટે રીયલ હીરો બન્યા હતા. કહેવાઈ રહ્યું છે કે સોનુ સૂદ શોમાં મહેમાન બનીને આવશે.

લાઈવ શોમાં નહીં હોય ઓડિયન્સ

કહેવાઈ રહ્યું છે કે અર્ચના પૂરણ સિંહ પણ શોનો ભાગ હશે, પરંતુ શોમાં લાઈવ ઓડિયન્સ ઉપસ્થિત નહીં હોય. કોરોના વાયરસના પ્રકોપના કારણે સોશિયલ ડિસ્ટન્સિંગનું પાલન કરવામાં આવશે. ટીવી પર આમ તો ઘણા શો જોવા મળે છે, પરંતુ જ્યારે નાના પડદાના કોમેડી શોની કરાય ત્યારે કપિલ શર્મા શોનું નામ સૌથી ટોચ પર આવે છે. કપિલે આ નવા શો દ્વારા લોકોને હસાવવા સાથે તેમના દિલમાં અલગ જગ્યા બનાવી લીધી છે.

from TV News in Gujarati, Tellywood News in Gujarati, ટેલિવિઝડ ન્યૂઝ ગુજરાતીમાં, Latest Tellywood News – Page Array – I Am Gujarat https://ift.tt/3dZA9Co