કોરોના વાયરસથી બચવા માટે વારંવાર હાથ ધોવા જરૂરી છે. ઘરે હો ત્યારે સાબુ-પાણીથી હાથ ધોવા વધારે ઉચિત રહે છે, પરંતુ જો તમે ઘર બહાર જાઓ ત્યારે સેનિટાઈઝર પર્સમાં રાખવું જ પડે. અત્યારસુધીમાં ઘણા વેપારીઓ નકલી સેનિટાઈઝર વેચતા હોવાનું સામે આવ્યું છે. ત્યારે આવી સ્થિતિમાં તમારી પાસે જે સેનિટાઈઝર છે તે અસલી છે કે નકલી તે જાણવું જરૂરી છે. આજે અમે તમને ડોક્ટરોએ સૂચવેલી ત્રણ એવી રીત વિશે જણાવવાના છીએ જેનાથી તમે તે ચકાસી શકશો.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
કયું સેનિટાઈઝર શ્રેષ્ઠ ગણાય?
– સ્વાસ્થ્ય વિભાગે કોરોના વાયરસ મહામારીની શરૂઆતમાં જ સ્પષ્ટ જણાવ્યું હતું કે, આ વાયરસથી બચવા માટે તે જ સેનિટાઈઝર વધારે પ્રભાવી છે, જેમાં 70થી 80 ટકા આલ્કોહોલ હોય.
– આ પ્રકારનું સેનિટાઈઝર બનાવતી વખતે તેમાં સ્વાસ્થ્યને ધ્યાનમાં લઈને કેટલીક ખાસ પ્રક્રિયાઓને ફોલો કરવામાં આવે છે. જેથી તમારા હાથ સ્વચ્છ થઈ જાય અને તમારી સ્કિનને નુકસાન ન પહોંચે. પરંતુ નકલી સેનિટાઈઝરમાં આ ખૂબીઓ જોવા મળતી નથી.
ટોઈલેટ પેપર ટેસ્ટ
– સેનિટાઈઝરની ગુણવત્તા ચકાસવા માટે તમે ટોઈલેટ પેપર અથવા ટિશ્યૂ પેપરનો ઉપયોગ કરી શકો છો. આ માટે પેપર પર પેનની મદદથી એક રાઉન્ડ દોરી લો. આ રાઉન્ડ પેપરની વચ્ચે બનાવવું.
– હવે આ રાઉન્ડ પર સેનિટાઈઝરના થોડા ડ્રોપ્સ મૂકો. જો ઈન્ક ફેલાય જાય તો સમજી લો કે તમારું સેનિટાઈઝર ભેળસેળવાળું છે અને તમારા હાથને પૂરી રીતે ડિસઈન્ફેક્ટ કરવા માટે સક્ષમ નથી.
– જો તમારું સેનિટાઈઝર અસલી હશે તો ઈન્ક ફેલાશે નહીં. પરંતુ સેનિટાઈઝરથી પેપર ભીનું થઈ જશે અને થોડા સમયમાં સૂકાઈ પણ જશે.
હેર ડ્રાયર ટેસ્ટ
– થોડું હેન્ડ સેનિટાઈઝર એક બાઉલમાં કાઢી લો. હવે તેને હેર ડ્રાયરની મદદથી સૂકવો. જો તમારું સેનિટાઈઝર અસલી હશે તો તે માત્ર 3થી 5 સેકન્ડમાં સૂકાઈ જશે. જો સેનિટાઈઝર નકલી હશે તો આટલા સમયમાં સૂકાશે નહીં અને બાઉલમાં જ રહેશે.
આટા ટેસ્ટ
– 1 બાઉલમાં એક ચમચી લોટ લો. તેમાં થોડું સેનિટાઈઝર ઉમેરો. હવે બંનેને સારી રીતે મિક્સ કરી લો.
– જો તમારું સેનિટાઈઝર અસલી છે જો કણક બંધાશે નહીં ઉપરથી લોટ છુટ્ટો-છુટ્ટો રહેશે. જો સેનિટાઈઝર નકલી છે તો પાણીથી કણક બાંધીએ ઠીક તેવી જ કણક બંધાઈ જશે.
from Health News in Gujarati: Latest Health News, Read Breaking Health News on Iamgujarat.com – Page Array – I Am Gujarat https://ift.tt/3dUtqcZ
No comments:
Post a Comment