નકલી ટોસિલિઝુમેબ દવાનું કૌભાંડ: પકડાયેલો આરોપી ગયા વર્ષે બન્યો હતો ‘મિસ્ટર અમદાવાદ’

અમદાવાદ: નકલી ઈંજેક્શન વેચવાના કૌભાંડમાં વસ્ત્રાપુર પોલીસ સ્ટેશને નોંધેલી FIRમાં આરોપી નંબર 3 છે હર્ષ ઠાકોર. ગયા વર્ષે યોજાયેલી મિસ્ટર અમદાવાદ જૂનિયર એન્ડ માસ્ટર્સ બોડી બિલ્ડિંગ ચેમ્પિયનશીપમાં હર્ષ ઠાકોર મિસ્ટર અમદાવાદ બન્યો હતો. વસ્ત્રાપુર પોલીસના જણાવ્યા અનુસાર, હર્ષ ઠાકોર સ્પોર્ટ્સપર્સન પણ છે. અંડર-14 ક્રિકેટ ટીમમાં તે રાજ્યકક્ષા સુધી રમી ચૂક્યો છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

મસ્ક્યુલર બોડી અને શારીરિક ક્ષમતા જાળવી રાખવા માટે હર્ષ ઠાકોર પ્રોટીન પાઉડર અને સ્ટીરોઈડનો ડોઝ લેતો હતો. પાલડીમાં દુકાન ચલાવતા નિલેશ લાલીવાળા પાસેથી આ વસ્તુઓની ખરીદી હર્ષ કરતો હતો. જો કે, તેઓ માત્ર સ્ટીરોઈડ અને પ્રોટીન પાઉડરની જ લેવડદેવડ નહોતા કરતાં કોરોનાના મહામારીના સમયમાં આર્થિક લાભ ખાટવા નકલી ઈંજેક્શન પણ વેચતા હતા. આ માટે તેમણે સોહેલ તાઈનો સંપર્ક કર્યો હતો જે નિલેશને સ્ટીરોઈડ અને ડ્રગ્સ પૂરા પાડતો હતો. અંતે તેમણે કોવિડ-19ના દર્દીઓ માટે નકલી ઈંજેક્શનનો ધંધો શરૂ કર્યો.

એક પોલીસકર્મીએ જણાવ્યું કે, શાહ બ્રધર્સે 1.35 લાખમાં વેચેલું આ ઈંજેક્શન હર્ષ ઠાકોર પાસેથી 80,000 રૂપિયામાં ખરીદ્યું હતું, જે લતા બાલ્દુઆને આપવાનું હતું. એલિસબ્રિજ વિસ્તારમાં આવેલી એસવીપી હોસ્પિટલ પાસે હર્ષ આ ડીલ પૂરી કરવાનો હતો. હર્ષના પિતા એસવીપી હોસ્પિટલમાં પટાવાળાની નોકરી કરે છે, તેમ એક પોલીસકર્મીએ જણાવ્યું.

નકલી ટોસિલિઝુમેબ ઈંજેક્શન રેકેટની તપાસ કરી રહેલી પોલીસે મંગળવારે કહ્યું કે, કૌભાંડીઓ પાસેથી એક દર્દીના દીકરીએ ઈંજેક્શન ખરીદ્યા હતા. આ નકલી દવાનો 10ml ડોઝ વૃદ્ધ મહિલા દર્દીને આપવામાં આવ્યો હતો. જો કે, મહિલા દર્દીને ઈંજેક્શન આપ્યા પછી ડૉક્ટરોને શંકા ગઈ કે ઈંજેક્શન અસલી નથી. દર્દી લતા બાલ્દુઆને બોડકદેવની હોસ્પિટલમાં દાખલ કરવામાં આવ્યા છે. તેમના દીકરી પ્રિયંકા બાલ્દુઆ માતાને બચાવવા તમામ પ્રયાસ કરવા તૈયાર હતી. માટે જ તેણે એક આરોપી આશિષ શાહ પાસેથી ટોસિલિઝુમેબ ઈંજેક્શન ખરીદ્યું હતું. ગયા અઠવાડિયે આ ઘટના બની હતી.

ડૉક્ટરોએ આ ઈંજેક્શન જોયા ત્યારે તેમને શંકા ગઈ હતી કારણકે ટોસિલિઝુમેબ ઈંજેક્શન 250mlના ડોઝમાં ઉપલ્બધ નથી. ઉલ્લેખનીય છે કે, એક ખાનગી હોસ્પિટલમાં સારવાર લઈ રહેલા કોરોનાના એક દર્દીને ડૉક્ટરોએ ટોસિલિઝુમેબ ઈંજેક્શન લખી આપ્યું હતું. દર્દીના દીકરી અને પરિવારજનોએ આશિષ અને અક્ષય શાહનો દવા માટે સંપર્ક કર્યો હતો. શાહ બ્રધર્સે આ ઈંજેક્શન હર્ષ ઠાકોર પાસેથી 80,000 રૂપિયામાં ખરીદ્યું હતું. હર્ષે સુરતના સોહેલ તાઈ પાસેથી આ ઈંજેક્શન ખરીદ્યું હતું. શાહ બ્રધર્સે મહિલા દર્દીના પરિવારને 1.35 લાખમાં ઈંજેક્શન વેચ્યું હતું.

આ વિડીયો જોઈને તમારા શ્વાસ થંભી જશે

from Page Array – I Am Gujarat https://ift.tt/3hmtKDl