અમદાવાદઃ અમદાવાદમાં બે દિવસ ભારે વરસાદની આગાહી વ્યક્ત કરવામાં આવી છે, તે જ પ્રમાણે વહેલી સવારથી વરસાદ વરસી રહ્યો છે. વરસાદની સાથે લોકોને ઉકળાટથી રાહત મળી છે. અમદાવાદના પૂર્વ અને પશ્ચિમ ભાગમાં ભારે વરસાદ વરસી રહ્યો છે. ભારે વરસાદના કારણે રસ્તાઓ પણ ઘણી જગ્યાઓ પર પાણી પણ ભરાયા છે. કચ્છમાં સર્જાયેલા લૉ-પ્રશરની અસરના કારણે વરસાદની સંભાવના વ્યક્ત કરાઈ છે. ત્યારે અમદાવાદની સાથે રાજ્યના સૌરાષ્ટ્ર સહિતના ભાગોમાં પણ ભારે વરસાદ વરસી રહ્યો છે.
શહેરના સેટલાઈટ, સાબરમતી, ચાંદખેડા, બાપુનગર, નારોલ, નરોડ, નવરંગપુરા સહિતના વિસ્તારમાં સવારથી વરસાદ થઈ રહ્યો છે. આ તરફ સાણંદમાં પણ વહેલી સવારથી ધોધમાર વરસાદ વરસી રહ્યો છે. હવામાન વિભાગે રાજ્ય સહિત અમદાવાદમાં અતિભારે વરસાદ થવાની સંભાવના વ્યક્ત કરી હતી તે પ્રમાણે જ મેઘરાજાએ બેટિંગ શરુ કરી દીધી છે. ગાંધીનગરમાં પણ ધીમીધારે વરસાદની શરુઆત થઈ છે.
આ તરફ રાજકોટ, ગોંડલ, સુરેન્દ્રનગર, અમરેલી, ગીર સોમનાથ, દીવ વગેરે જગ્યાઓ પર ભારે વરસાદ થઈ રહ્યો છે. સૌરાષ્ટ્રમાં થઈ રહેલા સારા વરસાદના કારણે ઘણી નદીઓ અને નાળા છલકાયા છે. બીજી તરફ સારા વરસાદના કારણે ખેડૂતોમાં આનંદની લાગણી જોવા મળી રહી છે. ખેડૂતોએ કહ્યું કે આ પ્રમાણે સારો વરસાદ રહ્યો તો તેમના માટે વધુ સારું રહેશે.
રાજ્યની વાત કરીએ તો હવામાન વિભાગ દ્વારા દક્ષિણ ગુજરાતના સુરત, વલસાડ સહિત કચ્છમાં અતિભારે વરસાદ થવાની આગાહી વ્યક્ત કરવામાં આવી છે. આ સાથે અમદાવાદ, ખેડા, પંચમહાલ તેમજ નર્મદા સહિત ઉત્તર ગુજરાત અને મધ્ય ગુજરાતમાં બે દિવસ તોફાની વરસાદની સંભાવના છે. ભારે વરસાદની સંભાવનાને ધ્યાનમાં રાખીને સૌરાષ્ટ્ર અને દક્ષિણ ગુજરાતના માછીમારોને દરિયો ના ખેડવાની સૂચનાઓ પણ આપવામાં આવી છે. આ સાથે રાજ્યમાં NDRFની સાત ટીમોને પણ તૈનાત કરાઈ છે અને 8ને સ્ટેન્ડબાય રાખવામાં આવી છે.
from Page Array – I Am Gujarat https://ift.tt/38tV0fW
No comments:
Post a Comment