અમદાવાદઃ સિવિલ હોસ્પિટલમાં સારવાર લઈ રહેલી 29 વર્ષીય મહિલાએ તેના પતિ અને સાસુ-સસરા સામે પોલીસ ફરિયાદ નોંધાવી હતી. તેણે આરોપ લગાવ્યો હતો કે ત્રણેયે ભેગા મળીને તેને ઘરના પહેલા માળેથી ફેંકી દઈને મારી નાખવાનો પ્રયાસ કર્યો હતો.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
દીપિકા કોયટિયાએ FIRમાં પોતાના પતિ જિગ્નેશની સાથે સસરા પ્રવીણ અને સાસુ ચંદ્રિકાનું નામ નોંધાવ્યું છે. આ સિવાય તેણે તેવો પણ આરોપ લગાવ્યો છે કે, તેમણે તેની પાસેથી 5 લાખ રૂપિયાનું દહેજ માગ્યું હતું. આટલું જ નહીં તેના પતિને શંકા હતી કે તેનું અફેર બીજા કોઈ પુરુષ સાથે ચાલી રહ્યું છે અને તે આ બાબતને લઈને તેને માર પણ મારતો હતો.
મેઘાણીનગર પોલીસ સ્ટેશનના ઈન્સ્પેક્ટર ડી.જે. ચુડાસમાએ કહ્યું કે, ત્રણેય સામે IPCની કલમ 307, 498 (a), 323, 294(b), 506 (1), 114 તેમજ ‘દહેજ પ્રતિબંધક અધિનિયમ’ હેઠળ ગુનો નોંધ્યો છે.
‘અમે FIRમાં આપવામાં આવેલી માહિતી પ્રમાણે તપાસ કરી રહ્યા છે અને પુરાવા મળ્યા બાદ જ આરોપીઓ સામે કાર્યવાહી કરવામાં આવશે’.
ફરિયાદ પ્રમાણે, ફરિયાદીના લગ્ન જિગ્નેશ સાથે મે, 2010માં થયા હતા. બંનેને સાત અને પાંચ વર્ષના બે દીકરા પણ છે. તે ઘરના પહેલા માળે પતિ, સસરા અને સાસુ સાથે રહે છે.
ફરિયાદમાં મહિલાએ કહ્યું કે, ઓક્ટોબર 2019 દરમિયાન પતિનો ફોન ચેક કરતાં તેને ધ્યાનમાં આવ્યું કે, તેનું ચક્કર બીજી કોઈ યુવતી સાથે ચાલી રહ્યું છે. તેણે આ વિશે જિગ્નેશના માતા-પિતાને જાણ કરતાં, તેણે તેના પર ત્રાસ ગુજાર્યો હતો અને મારી નાખવાની ધમકી પણ આપી હતી.
FIRમાં મહિલાએ કહ્યું કે, તે સમયે તેના પતિના માતા-પિતા પણ તેની સાથે ઝઘડ્યા હતા અને દહેજમાં પાંચ લાખ માગ્યા હતા અને જો કે પૈસા નહીં લાવે તો ઘરમાંથી બહાર કાઢી મૂકવાની ધમકી પણ આપી હતી.
ફરિયાદ પ્રમાણે, બુધવારે જ્યારે મહિલા તેની બહેન સાથે વાત કરી રહી હતી ત્યારે તેના સાસુ-સસરા અને પતિએ તેના પર ગુસ્સે થઈને તેને માર માર્યો હતો. સાથે જ તેમણે તેના પિયરમાંથી કોઈ પણ વ્યક્તિ સાથે ફોન પર વાત કરવાની મનાઈ ફરમાવી દીધી હતી. અને બાદમાં અચાનક જ ત્રણેયે ભેગા મળીને મહિલાને ઉઠાવી હતી અને પહેલા માળેથી નીચે ફેંકી દીધી હતી.
કોરોના વાયરસની આ રીતે મગજ પર થાય છે અસર
from Page Array – I Am Gujarat https://ift.tt/2W45RbE
No comments:
Post a Comment