દિવાલ પર ‘I quit’ લખી IIT-ગાંધીનગરમાં અભ્યાસ કરતી PhD સ્કોલર યુવતીનો આપઘાત

આશિષ ચૌહાણ/પાર્થ શાસ્ત્રી, અમદાવાદઃ રાજ્યના કેપિટલમાં IIT-ગાંધીનગરના કેમ્પસમાં 6 જુલાઈએ 32 વર્ષની રિસર્ચ સ્કોલર યુવતીએ આપઘાત કરી લેતા શિક્ષણ બેડામાં ખળભળાટ મચી ગયો. મૃતક યુવતી પિયુ ઘોષ પશ્ચિમ બંગાળની હતી. તેણે પોતાના રેસીડેન્સની દિવાલ પર ‘I Quit’ લખ્યું હતું. ગાંધીનગર પોલીસ હજુ સુધી આપઘાત પાછળનું કારણ જાણી શકી નથી.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

IIT-ગાંધીનગરના અધિકારીઓ આ ઘટના પર સંપૂર્ણ મૌન સેવી રહ્યા છે, જ્યારે ઈન્સ્ટીટ્યુટના ડાયરેક્ટર સુધીર જૈનને ફોન અને ઈ-મેઈલ કરવા છતાં કોઈ જવાબ મળ્યો નહોતો. IITની પબ્લિક રિલેશન ટીમે એક નિવેદન જાહેર કર્યું છે જે મુજબ, ‘આ ઘટનામાં હાલ પોલીસ તપાસ ચાલી રહી છે અને ઈન્સ્ટીટ્યુટ તેમને પૂરો સહયોગ આપવા માટે પ્રતિબદ્ધ છે. તપાસ ચાલી રહી છે એવામાં અમે કોઈ માહિતી આપવી કે કમેન્ટ કરી નહીં શકીએ.’

પિયુ ઘોષ ઈન્સ્ટીટ્યૂટમાં ઈલેક્ટ્રિક એન્જિનિયરિંગ ડિપાર્ટમેન્ટમાં પીએચડી સ્કોલર હતી. ચિલોડા પોલીસ સ્ટેશનના તપાસ અધિકારી અને સબ-ઈન્સ્પેક્ટર એમ.એચ સોલંકીએ કહ્યું, યુવતીએ પોતાના ક્વાર્ટરમાં ફાંસો ખાઈ લીધો. તેમણે ઉમેર્યું કે, તેણે દિવાલ પર ‘I Quit’ સહિત અન્ય કેટલીક લાઈનો લખી હતી. જેમાં તે પોતાના ઓર્ગન જરૂરિયાતમંદોને દાન આપવા પરિજનોને કહી રહી હતી. દિવાલ પરના આ લખાણ ઉપરાંત ડિજિટલ કે પેપર ફોર્મેટમાં અન્ય કોઈ લખાણ મળી આવ્યું નથી.

સોલંકીએ જણાવ્યું કે, યુવતીના પરિવારજનો અને ફેકલ્ટી મેમ્બર્સના સ્ટેટમેન્ટ હજુ રેકોર્ડ કરવાના બાકી છે. તેના માતા-પિતા પશ્ચિમ બંગાળમાં રહે છે અને પતિ અમેરિકામાં છે. સૂત્રોએ જણાવ્યું કે, યુવતી હાલમાં જ પોતાના માતા-પિતાના ઘરેથી કેમ્પસમાં પાછી આવી હતી. લોકડાઉન તથા ઓનલાઈન ક્લાસ હોવાના કારણે માત્ર અમુક સ્ટુડન્ટ્સ જ કેમ્પસમાં રહેતા હતા. સોલંકીએ વધુમાં ઉમેર્યું કે, પોસ્ટમોર્ટમ રિપોર્ટ હજુ સુધી આવવાની બાકી છે જેમાં મૃત્યુનું ચોક્કસ કારણ જાણી શકશે.

પોલીસના સૂત્રો મુજબ, શક્ય છે કે તેનું મૃત્યુ મૃતદેહ મળ્યાના બે-ત્રણ દિવસો પહેલા જ થયું હોય. જણાવી દઈએ કે, યુવતીએ બી.ટેક અને એમ.ટેક કલકત્તામાંથી પૂરું કર્યું હતું અને 2015માં IIT-ગાંધીનગરમાં પીએચડી માટે એડમિશન લીધું હતું. ઉપરાંત IITના સોશિયલ મીડિયા પેજ પર પણ તેની કેટલી શૈક્ષણિક ઉપલબ્ધિઓની પોસ્ટ કરાઈ હતી.

આ પણ જુઓઃ આ IPS અધિકારીના નામથી ફફડે છે અપરાધીઓ, વિકાસ દુબે એન્કાઉન્ટરમાં છે મહત્વની ભૂમિકા

from Page Array – I Am Gujarat https://ift.tt/2ZWay8t