શ્રીલંકામાં એક અનુભવી અને જાણીતા ક્રિકેટ કોચની હત્યાની ઘટના સામે આવતા સળસળાટ મચી ગયો છે. કોલંબોની એક સ્થાનિક ક્રિકેટ ક્લબમાં કોચિંગ આપતા 62 વર્ષીય સુમિત ફર્નાન્ડોની પોતાના જ ખેલાડીઓ સાથે ઝઘડો થયા બાદ સારવાર દરમિયાન હોસ્પિટલમાં મોત નીપજ્યું છે. સુમિત ફર્નાન્ડોએ શ્રીલંકાના વનડે કેપ્ટન કુસલ મેન્ડિસ સહિત અનેક જાણીતા ખેલાડીઓને કોચિંગ આપેલું હતું.
પાણી મુદ્દે શરૂ થયો હતો વિવાદ
મોરતુવાના પ્રિન્સ ઓફ વેલ્સ કોલેજના પૂર્વ કોચ સુમિત ફર્નાન્ડો 8 August ના રોજ બ્લૂમફિલ્ડ ક્રિકેટ એન્ડ એથલેટિક ક્લબમાં હાજર હતા. પોલીસ તપાસ અનુસાર, ક્લબમાં ટ્રેનિંગ લઈ રહેલા ખેલાડીઓનું એક ગ્રુપ પીવાનું પાણી લેવા ગયું હતું, પરંતુ નળમાં પાણી આવી રહ્યું નહોતું. આ મામલે ખેલાડીઓ અને કોચ ફર્નાન્ડો વચ્ચે ઉગ્ર બહેસ શરૂ થઈ ગઈ હતી. ઝઘડા દરમિયાન ખેલાડીઓએ કોચ સાથે અભદ્ર વર્તન કર્યું હતું. પોલીસે જણાવ્યું કે ઝપાઝપી દરમિયાન કોચ ફર્નાન્ડોએ કથિત રીતે એક ખેલાડી પર હુમલો કરવાનો પ્રયાસ કર્યો હતો, જેના જવાબમાં ખેલાડીઓએ તેમને માર માર્યો હતો. ગંભીર હાલતમાં તેમને હોસ્પિટલમાં દાખલ કરવામાં આવ્યા હતા, જ્યાં તેમણે અંતિમ શ્વાસ લીધા હતા. Thursday ના રોજ કોચના અંતિમ સંસ્કાર કરવામાં આવ્યા હતા.
17 વર્ષીય આરોપી ક્રિકેટરની ધરપકડ
પોલીસે Monday ના રોજ આ ઘટના સાથે સંકળાયેલા 17 વર્ષના એક સગીર ક્રિકેટરની અટકાયત કરી હતી. 11 August ના રોજ તેને કોલંબો મેજિસ્ટ્રેટ કોર્ટમાં રજૂ કરવામાં આવ્યા બાદ કોર્ટે તેને 17 August સુધી ચાઈલ્ડ કેર સર્વિસ ડિપાર્ટમેન્ટની દેખરેખ હેઠળ રાખવાનો આદેશ આપ્યો હતો.
મેડિકલ તપાસ અને આગળની કાર્યવાહી
કોચના મોત અંગે હજુ પણ વિગતવાર તપાસ ચાલી રહી છે. મેડિકલ રેકોર્ડ્સ અનુસાર, ફર્નાન્ડોને પહેલાથી જ હૃદય સંબંધિત બીમારીઓ હતી. અધિકારીઓએ તેમના પોસ્ટમોર્ટમ અને તબીબી તપાસ રિપોર્ટની રાહ જોઈ રહ્યા છે. ભારત અને શ્રીલંકા વચ્ચે 15 August થી ગોલમાં શરૂ થઈ રહેલી પ્રથમ ટેસ્ટ મેચ પહેલા જ આ પ્રકારના દુઃખદ સમાચાર આવતાં રમત પ્રેમીઓમાં શોકની કાલિમા છવાઈ ગઈ છે.
from chitralekha https://ift.tt/zJ7P9BA
via
No comments:
Post a Comment