PM મોદીએ ઈન્સ્ટાગ્રામ VIDEO દ્વારા આપ્યો સ્વદેશીનો સંદેશ!

વડાપ્રધાન નરેન્દ્ર મોદીએ 7 August એટલે કે રાષ્ટ્રીય હસ્તકળા દિવસ (National Handloom Day) ના અવસર પર પોતાના સત્તાવાર ઈન્સ્ટાગ્રામ એકાઉન્ટ પરથી એક ખાસ વિડિયો સંદેશ જાહેર કર્યો છે. વડાપ્રધાન મોદીએ દેશના ઈતિહાસ, સ્વતંત્રતા સંગ્રામ અને સ્વદેશી આંદોલનની પાયાની બાબતો યાદ અપાવતા ભારતના પરંપરાગત વણકર સમુદાયને આર્થિક રીતે સશક્ત બનાવવાનું આહ્વાન કર્યું છે.

1905 ના સ્વદેશી આંદોલનની યાદ

વડાપ્રધાન નરેન્દ્ર મોદીએ પોતાના વિડિયો સંદેશની શરૂઆત ઈતિહાસના એક અત્યંત મહત્વપૂર્ણ પ્રકરણને યાદ અપાવીને કરી હતી. PM એ કહ્યું, સાથીઓ, 1905 નું 7 August… આપણે ભૂલવાનું નથી. 7 August 1905 ના રોજ દેશની આઝાદી માટે સ્વદેશી આંદોલનની શરૂઆત થઈ હતી અને આત્મનિર્ભર ભારતનો પાયો નંખાયો હતો. અંગ્રેજો સામે દેશવાસીઓએ એક બહુ મોટી લડાઈ લડી હતી અને જન-જન આ આંદોલન સાથે જોડાયા હતા.

Tomorrow, 7th August is National Handloom Day. Let’s make India’s handloom diversity popular.

Share your videos with your favourite handloom products, including GRWM videos on social media.

Don’t forget to use #NationalHandloomDay. pic.twitter.com/zoFdTXphRL

— Narendra Modi (@narendramodi) August 6, 2026

‘જેમ ફ્રેન્ડશિપ ડે ઉજવ્યો, તેમ જ ઉજવો હેન્ડલૂમ ડે’

યુવાનો અને દેશવાસીઓ સાથે સીધો સંવાદ સાધતા PM મોદીએ કહ્યું કે, જે રીતે તાજેતરમાં સૌએ પૂર્ણ ઉત્સાહ સાથે ‘ફ્રેન્ડશિપ ડે’ ઉજવ્યો છે, તે જ રીતે 7 August ના રોજ ‘હેન્ડલૂમ ડે’ પણ ભારે ઉમંગ સાથે ઉજવાવો જોઈએ. તેમણે ઉમેર્યું કે હેન્ડલૂમ ડે ઉજવવાનો વાસ્તવિક અર્થ દેશના એ ગરીબ વણકર પરિવારો સાથે ઊભા રહેવાનો છે, જેઓ પોતાના ઘરોમાં સાળ (કરઘા) પર પોતાના હાથથી સુંદર અને વૈવિધ્યસભર કપડાં તૈયાર કરે છે.

હેન્ડલૂમ પ્રોડક્ટ ખરીદો અને વિડીયો શેર કરો

ગરીબ વણકર ભાઈઓ અને બહેનોને આર્થિક રીતે સમૃદ્ધ બનાવવા અને ‘આત્મનિર્ભર ભારત’ના સપનાને સાકાર કરવા માટે વડાપ્રધાને દેશવાસીઓને એક ખાસ ડિજિટલ પ્રવૃત્તિમાં ભાગ લેવા પ્રેરિત કર્યા છે:

દરેક નાગરિક પોતે હેન્ડલૂમ (હાથશાળ) માંથી બનેલી કોઈને કોઈ પ્રોડક્ટ અથવા કપડાં જરૂર ખરીદે.

એ હેન્ડલૂમ વેરાયટી સાથે એક નાનો વિડિયો અથવા રીલ (Reel) બનાવે અને તેને સોશિયલ મીડિયા પર દુનિયા સમક્ષ રજૂ કરે.

આ ઝુંબેશ દ્વારા ભારતીય વણકરોના હુન્નર, ક્ષમતા અને મહેનતનો પરિચય આખી દુનિયાને કરાવી શકાશે. વડાપ્રધાન મોદીએ અંતમાં તમામ દેશવાસીઓને 7 August ‘રાષ્ટ્રીય હસ્તકળા દિવસ’ ની હાર્દિક શુભેચ્છાઓ પાઠવી હતી.

from chitralekha https://ift.tt/AFfgUNR
via