સહારનપુરઃ સહારનપુર કલેક્ટ્રેટ પરિસરમાં આવેલી મસ્જિદ પર તોડફોડની કાર્યવાહી બાદ ઉત્તર પ્રદેશના રાજકારણમાં ગરમાટો છે. સમાજવાદી પાર્ટીના સાંસદ ઈકરા હસન શનિવારે સવારે સહારનપુર જવા રવાના થવાના હતા, પરંતુ તે પહેલાં જ તેમને હાઉસ અરેસ્ટ કરવામાં આવ્યા છે. SP સાંસદના ઘરની બહાર મોટી સંખ્યામાં પોલીસ દળ તહેનાત કરવામાં આવ્યું છે. ઈકરા હસન ઉપરાંત અન્ય વિપક્ષી નેતાઓ પર પણ પોલીસ દ્વારા નજર રાખવામાં આવી રહી છે. ઈકરા હસન પહેલાં કોંગ્રેસના સાંસદ ઈમરાન મસૂદે પણ આ મુદ્દો ઉઠાવ્યો હતો.
સહારનપુર જતાં પહેલાં ઈકરા હસનને રોકવામાં આવ્યા
પ્રાપ્ત માહિતી મુજબ કૈરાના લોકસભા બેઠકના સમાજવાદી પાર્ટીના સાંસદ ઈકરા હસન શનિવારે સહારનપુર જવાના હતા. સહારનપુર કલેક્ટ્રેટ પરિસરમાં આવેલી મસ્જિદ પર વહીવટી કાર્યવાહી બાદ તેઓ સ્થળ પર જઈને પરિસ્થિતિનો તાગ મેળવવા માગતા હતા. પ્રાપ્ત માહિતી અનુસાર હાલ મસ્જિદના દરવાજા પર તાળું લગાવી દેવામાં આવ્યું છે. વહીવટી તંત્રે સુરક્ષા વ્યવસ્થાને ધ્યાનમાં રાખીને કલેક્ટ્રેટ પરિસરમાં અવરજવર પર પ્રતિબંધ મૂકી દીધો છે. સ્થળ પર પોલીસ દળ તૈનાત છે અને કોઈને પણ મસ્જિદની અંદર જવાની મંજૂરી આપવામાં આવી રહી નથી.
મસ્જિદ પરની કાર્યવાહી બાદ સુરક્ષા વધારવામાં આવી
સુરક્ષાને ધ્યાનમાં રાખીને કલેક્ટ્રેટ પરિસરને પોલીસ છાવણીમાં ફેરવી દેવામાં આવ્યું છે. જિલ્લા મુખ્યાલય તરફ આવતા તમામ માર્ગો પર પણ પોલીસ દળ તૈનાત કરવામાં આવ્યું છે. ADF અને સિટી SP સહિત અનેક અધિકારીઓ સ્થળ પર હાજર છે. કોઈ પણ પ્રકારની અપ્રિય ઘટનાનો સામનો કરવા માટે PAC અને RRFના જવાનોને પણ તૈનાત કરવામાં આવ્યા છે. વિપક્ષના કેટલાક નેતાઓને હાઉસ અરેસ્ટ કરવામાં આવ્યા છે.
પરિસ્થિતિ પર વહીવટી તંત્રની નજર
વહીવટી તંત્રનું કહેવું છે કે વિસ્તારમાં શાંતિ અને કાયદો-વ્યવસ્થા જાળવવી તેની સર્વોચ્ચ પ્રાથમિકતા છે. આ જ કારણસર સાવચેતીનાં પગલાં લેવામાં આવ્યાં છે. હાલ સહારનપુર અને આસપાસના વિસ્તારોમાં સુરક્ષા વ્યવસ્થા વધુ કડક કરવામાં આવી છે અને કોઈ પણ અપ્રિય પરિસ્થિતિનો સામનો કરવા માટે પોલીસ દળને એલર્ટ પર રાખવામાં આવ્યું છે.
The post સહારનપુરમાં કલેક્ટ્રેટ મસ્જિદ પર બુલડોઝર ચાલતાં હંગામો appeared first on chitralekha.
from chitralekha https://ift.tt/BTS9mLa
via
No comments:
Post a Comment