16 સપ્ટેમ્બરથી ‘બિગ બોસ 12’ની શરૂઆત
16 સપ્ટેમ્બરથી સલમાન ખાનના પોપ્યુલર ટીવી રિયાલિટી શો ‘બિગ બૉસ’ની 12મી સીઝનની શરૂઆત થવા જઈ રહી છે. સલમાને થોડા સમય પહેલા જ ગોવામાં તેનું લૉન્ચિંગ કર્યું હતું. હવે ધીમે-ધીમે કન્ટેસ્ટન્ટ્સના નામ બહાર આવી રહ્યાં છે. આવામાં સ્પર્ધકો અંગે અટકળો લગાવવામાં આવી રહી છે. આ દરમિયાન બોલિવૂડ એક્ટ્રેસ રિચા ચઢ્ઢાએએ ‘બિગ બૉસ’ માટે એક મોટું અને ચોંકાવનારું નિવેદન આપી દીધું છે.
રિચા ચઢ્ઢાએ આપ્યું વિવાદિત નિવેદન
‘મસાન’ ફેમ એક્ટ્રેસે કહ્યું કે, તે ‘બિગ બૉસ’ના ઘરમાં કોઈપણ સ્થિતિમાં જવા માટે તૈયાર નથી. આના માટે તેને 100 કરોડ રૂપિયાની ઑફર કરવામાં આવે તો પણ નહીં. રિચાએ કહ્યું કે, આ શોમાં જવા માટે જે પ્રકારનું સાહસ અને સ્ટેમિનાની જરૂર હોય છે તે તેનામાં નથી. ઉલ્લેખનીય છે કે, ગત ઘણી સીઝનની જેમ આ વખતે પણ સલમાન જ શો હોસ્ટ કરવાનો છે. આ વખતે શોમાં 21 કન્ટેસ્ટંટ હશે.
‘લવ સોનિયા’માં લીડ રોલમાં છે રિચા
રિચા 14 સપ્ટેમ્બરે રિલીઝ થયેલી ફિલ્મ ‘લવ સોનિયા’માં મહત્વની ભૂમિકામાં છે. ફિલ્મમાં ફ્રેડા પિન્ટો, અનુપમ ખેર, મનોજ બાજપેયી પણ મહત્વના રોલમાં છે. ફિલ્મ વિશે જણાવતા રિચાએ કહ્યું કે, આ ફિલ્મ માટે તેણે કેટલીક સેક્સ વર્કર સાથે પણ મુલાકાત કરી હતી. તે જે કપરી પરિસ્થિતિઓમાં રહે છે તેના કારણે જ ડ્રગ્સ એડિક્શન અને બીમારીઓનો શિકાર થઈ જાય છે.
નિભાવી રહી છે સેક્સ વર્કરની ભૂમિકા
ફિલ્મમાં રિચા પણ એક સેક્સ વર્કરની ભૂમિકામાં છે. આ ફિલ્મ મજબૂર અને ગરીબ છોકરીઓને વેશ્યાવૃત્તિના દલદલમાંથી બહાર કાઢવાની વાર્તા પણ આધારિત છે. 2018માં આ રિચાની ત્રીજી ફિલ્મ છે. અગાઉ તે ‘3 સ્ટોરીઝ’ અને ‘દાસ દેવ’માં જોવા મળી હતી જે બોક્સ ઑફિસ પર કોઈ ખાસ દેખાવ કરી શકી નહોતી.
No comments:
New comments are not allowed.