નિફ્ટીમાં ટૂંકા ગાળાનો ટ્રેન્ડ નરમાઈનો: 11,280એ સપોર્ટ

65782294

ધ્રુવ દેસાઈ, coo,ટ્રેડબુલ્સ સિક્યોરિટીઝ
નિફ્ટીમાં આગેકૂચમાં વિરામ આવ્યો હતો. તે જુલાઈ 2018 પછીથી પ્રથમ વખત સાપ્તાહિક ધોરણે નીચા સ્તરે બંધ આવ્યો હતો. વિશ્વનાં બે સૌથી મોટા અર્થતંત્ર અમેરિકા અને ચીન વચ્ચે વૈશ્વિક વેપાર અંગેનો વિવાદ દિનપ્રતિદિન વકરી રહ્યો છે.
અમેરિકાના પ્રમુખ ડોનાલ્ડ ટ્રમ્પ વેપારનીતિ અંગે મક્કમ વલણ ધરાવે છે અને ટેરીફના અમલમાં પાછી પાની ન કરે તેવી ધારણા છે. હાલના આ વિવાદથી અમેરિકાનો ડોલર મજબૂત થઈ રહ્યો છે.
તેનાથી સમગ્ર ઊભરતા અર્થતંત્રમાં વિદેશી નાણાં બહાર ખેંચાઈ રહ્યાં છે. ક્રૂડ ઓઇલની આયાત પર વધુ મદાર રાખતાં ઊભરતાં અર્થતંત્રોમાં તુલનાત્મક રીતે ઊંચો આઉટફ્લો જોવા મળી રહ્યો છે. ક્રૂડ ઓઇલના ઊંચા ભાવ ઘરેલુ અર્થતંત્ર માટે પડકારજનક મુદ્દો છે, કારણ કે ઈંધણના ઊંચા ભાવથી આર્થિક રિકવરીને નુકસાન થઈ શકે છે.
અમેરિકાના ડોલર સામે ભારતના ચલણમાં એકાએક તીવ્ર ઘટાડાથી વિદેશી સંસ્થાકીય રોકાણકારો અથવા એફઆઇઆઇ વધુ વેચવાલી કરી રહ્યા છે. સોમવારના ટ્રેડિંગ સેશનમાં ડોલર સામે રૂપિયો 72.50ના ઐતિહાસિક નીચા સ્તરે પહોંચ્યો હતો.
એફઆઇઆઇ હાલની ડેરિવેટિવ્ઝ સિરીઝમાં ચોખ્ખા વેચવાલ રહ્યા હતા. ચલણમાં નરમાઈ અર્થતંત્રમાં લાંબા ગાળાની વૃદ્ધિના ભાવિને અસર થતી નથી, પરંતુ તેમાં તીવ્ર ઘટાડો આયાતકારો માટે ચિંતાજનક પરિબળ છે. ચલણમાં હાલના ઘટાડાથી શેરોમાં સેક્ટર રોટેશન થશે, તેનાથી હાલની સ્થિતિમાં લાભ થશે.
ફાર્માસ્યુટિકલ્સ અને ઇન્ફર્મેશન ટેક્‌નોલોજી એવાં ક્ષેત્રો છે કે જેને ચલણમાં ઘટાડાથી લાભ થઈ રહ્યો છે. કેટલાંક પેટાક્ષેત્રોને પણ તેનાથી લાભ થશે. આ ક્ષેત્રોના શેરો નજીકના ભવિષ્યમાં બજારના બેન્ચમાર્ક ઇન્ડેક્સ કરતાં ચડિયાતો દેખાવ કરે તેવી ધારણા છે.
સમગ્ર BFSI ક્ષેત્ર ઊતરતો દેખાવ કરે તેવી ધારણા છે, કારણ કે 10 વર્ષની મુદતના સરકારી બોન્ડની યીલ્ડ બાવન સપ્તાહના ઊંચા સ્તરે પહોંચી છે. તેનાથી સેકન્ડરી માર્કેટમાંથી ઋણના ખર્ચમાં વધારો થાય છે. વૈશ્વિક સ્તરે વ્યાજદરની સાઇકલ બદલાઈ છે. તેનાથી ઋણખર્ચમાં વધારો થશે અને કંપનીઓની વિસ્તરણ યોજનાને નુકસાન થશે.
ટેક્‌નિકલ દૃષ્ટિએ બજારમાં શોર્ટ ટર્મ ટ્રેન્ડ બદલાઈને ડાઉનસાઇડ તરફી બન્યો છે. જોકે નિફ્ટી ૧૧,૦૦૦ના અવરોધથી ઊંચે ટ્રેડ થાય છે ત્યાં સુધી મધ્યમ અને લાંબા ગાળાનો ટ્રેન્ડ બુલિશ છે. અગાઉની સતત ત્રણ ડેરિવેટિવ્ઝ એક્સ્પાયરીમાં ઓપન ઇન્ટરેસ્ટની જમાવટની રેન્જ ઊંચા સ્તરે ગઈ હતી. જોકે હાલની એક્સ્પાયરીમાં તે નીચા સ્તરે આવી છે.
હાલની એક્સ્પાયરીમાં આ બેન્ડ 11,400થી 11,800 છે અને તેમાં વધુ ઘટાડો થવાની ધારણા છે. વીકલી RSI જુલાઈ પછીથી પ્રથમ વખત તેની નવ દિવસની EMAથી નીચે ગઈ છે. ટૂંકા ગાળામાં નિફ્ટી 11,350થી 11,280ના સ્તર સુધી ઘટી શકે છે. આ સપાટીએ નોંધપાત્ર સપોર્ટ છે. નિફ્ટી 11,620ના સ્તરથી ઊંચે બંધ નહીં આવે ત્યાં સુધી શોર્ટ ટર્મ ટ્રેન્ડ ડાઇનસાઇડ છે. જો કોઈ અપસાઇડ આવશે તો આગામી સેશનમાં વેચવાલી થઈ શકે છે.
<b>ડિસ્ક્લેમર :</b>વિવિધ બ્રોકરેજ , વિશ્લેષકો અને ફંડ મેનેજરો દ્વારા આ પાના પર દર્શાવાયેલા વિચારો તેમના પોતાના છે. વાચકોએ આ ભલામણોનો અમલ કરતાં પહેલાં વ્યાવસાયિક સલાહકારોની સલાહ જરૂરી છે. ઈટી અહીં દર્શાવેલી પસંદગી માટે જવાબદાર નથી. www.economictimes.com પર ઈટીના સિદ્ધાંતોની આચારસંહિતા ચકાસવા વિનંતી છે.

]]>


from I Am Gujarat https://ift.tt/2MhXt0l