મુંબઈમાં પેટ્રોલનો ભાવ ₹88.12 પ્રતિ લિટર હતો જ્યારે ડીઝલનો ભાવ ₹77.32 હતો. દિલ્હીમાં પેટ્રોલનો ભાવ ₹80.73 અને ડીઝલનો ભાવ ₹72.82 હતો. આંધ્રપ્રદેશે પેટ્રોલ અને ડીઝલમાં રાજ્યના વેરા ઘટાડવાની જાહેરાત કરી હતી જેથી ઈંધણના ભાવમાં લિટરે બે રૂપિયાનો ઘટાડો થશે. રવિવારે રાજસ્થાનમાં ઈંધણ પરનો ટેક્સ ચાર ટકા ઘટાડવામાં આવ્યો હતો.
કેન્દ્ર સરકારે અત્યાર સુધી ડ્યૂટીમાં કાપ મૂકવાનો ઇનકાર કર્યો છે. તેને આશા છે કે રૂપિયો અને ઈંધણના ભાવ સ્થિર થશે. ઘટતા રૂપિયા અને આંતરરાષ્ટ્રીય બજારમાં ઓઇલના ભાવમાં વધારાના કારણે સ્થાનિક બજારમાં પેટ્રોલ અને ડીઝલના ભાવમાં ભારે વધારો થયો છે. ઇરાન પર અમેરિકા પ્રતિબંધ લાદશે તો વૈશ્વિક ઈંધણના પુરવઠાને અસર થશે તેવી બીકે ઓઇલના ભાવ વધી શકે છે. છેલ્લા એક મહિનામાં ક્રૂડ ઓઇલનો ભાવ સાત ડોલર વધીને 77 ડોલર પ્રતિ બેરલ થયો છે.
No comments:
New comments are not allowed.