માત્ર 500 રૂપિયામાં હવાઈ સફર
ફ્લાઈટમાં ટ્રાવેલ કરવું હવે ટ્રેનથી પણ વધારે સસ્તું થઈ ગયું છે. આજથી તમે માત્ર 500 રૂપિયામાં હવાઈ મુસાફરી કરવા માટે ટિકિટ બુક કરાવી શકો છો. એરલાઈન્સ ઈન્ડસ્ટ્રીમાં આ અત્યાર સુધીની સૌથી સસ્તી હવાઈ ટિકિટ છે. એર એશિયાએ રવિવારે આ ઓફરની જાહેરાત કરીને જણાવ્યું હતું કે સોમવારથી એટલે કે આજથી આ ઓફર શરૂ થઈ છે.
21 સ્થળોએ સસ્તી મુસાફરી
રિપોર્ટ પ્રમાણે, 500 રૂપિયામાં તમે દેશના 21 સ્થળોએ એર એશિયા એરલાઈન દ્વારા જઈ શકો છો. એરલાઈન અમૃતસર, બાગડોગરા, બેંગલુરુ, ભુવનેશ્વર, ચંડીગઢ, ચેન્નાઈ, ગુવાહાટી, હૈદરાબાદ, ઈમ્ફાલ, ઈન્દોર, જયપુર, કોલકત્તા, કોચી, નાગપુર, નવી દિલ્હી, પણજી, પૂણે, રાંચી, શ્રીનગર, સુરત અને વિશાખાપટ્ટનમ જવા માટે આ ઓફર આપી રહી છે.
એક વર્ષ સુધી કરી શકાશે મુસાફરી
એરલાઈને કહ્યું કે, “પેસેન્જર વન-વે ટ્રાવેલ માટે ટિકિટ બુક કરાવી શકે છે. ઓછામાં ઓછા 500 રૂપિયામાં પેસેન્જર ટિકિટ બુક કરાવી શકે છે. આ સિવાય પેસેન્જર 1,000 અને 1,500 રૂપિયામાં પણ ટિકિટ બુક કરાવી શકે છે. આ ઓફર બધી જ ફ્લાઈટ્સ પર લાગુ કરવામાં આવી છે. આ ઓફર અંતર્ગત 17 સપ્ટેમ્બરથી 23 સપ્ટેમ્બર વચ્ચે ટિકિટ બુક કરાવી શકો છે. આ દરમિયાન બુક કરાયેલી ટિકિટથી 17 સપ્ટેમ્બરથી 30 નવેમ્બર 2019 સુધી મુસાફરી કરી શકશો.”
પ્રમોશન ઓફર
એર એશિયાના માર્કેટિંગ હેડ રાજકુમાર પ્રનાથમને કહ્યું કે, પ્રમોશન ઓફર દ્વારા અમે લોકોને હવાઈ સફર કરવાનો આનંદ આપવા માગીએ છીએ. એ પણ ઓછા ભાડામાં.
No comments:
New comments are not allowed.