અમદાવાદઃ અસમાજિક તત્વોનો આતંક, પાર્કિંગમાં પડેલી ગાડીઓના કાચ તોડ્યા

તોફાની તત્વોનો આતંક

અમદાવાદઃ ન્યૂ રાણીપ વિસ્તારમાં કેટલાક અસમાજિક તત્વોએ વહેલી સવારે પાર્કિગમાં રહેલી કારના કાચ તોડી ફરાર થઈ ગયા. આ સમગ્ર ઘટના સીસીટીવીમાં કેદ થઈ ગઈ છે.

પાંચ કાર્સના કાચ તોડ્યા

મળી રહેલી માહિતી મુજબ બુધવારે વહેલી સવારે 4 વાગ્યે ચારથી પાંચ તોફાની તત્વો પાર્કિગમાં આવે છે. પાર્ક કરેલી પાંચ કારોના કાચ તોડી ત્યાંથી ફરાર થઈ જાય છે. વહેલી સવારે જ્યારે કાર માલિકે પાર્કિગમાં આવ્યા ત્યારે આ સમગ્ર ઘટના સામે આવી છે.

પોલીસને સીસીટીવી ફૂટેજ સોંપાયા

આ ઘટનાની ફરિયાદ સાબરમતી પોલીસને કરી છે અને ઘટનાના સીસીટીવી ફૂટેજ પણ આપવામાં આવ્યા છે. સ્થાનિકો દ્વારા આ અસમાજિક તત્વો સામે કડક પગલા લેવાની માંગણી કર છે.