માત્ર ખાવામાં નહિ આ રીતે પણ કરી શકો છો કેળાનો સ્માર્ટ ઉપયોગ

કેળાની છાલનો ઉપયોગ

જ્યારે તમે કેળાનો વિચાર કરો છો ત્યારે સૌથી પહેલા તમારા મનમાં શેક તેમજ દૂધ-કેળાનો વિચાર આવે છે. કેળાને રીચ ફાઈબર ફ્રુટ કહેવામાં આવે છે. કેળા એ સવારના નાસ્તામાં શ્રેષ્ઠ માનવામાં આવે છે. જોકે, કેળું એ એક એવું જાદુઈ ફ્રુટ છે જેના અનેક રીતે સ્માર્ટ ઉપયોગ કરીને તમે શ્રેષ્ઠ પરિણામ મેળવી શકો છો. આવો જાણીએ કેળાના વિશેષ ઉપયોગ…

સ્કિન ક્લિંઝર તરીકે

કેળાની છાલ કાઢી લો અને તેની પેસ્ટ બનાવી લો. હવે આ પેસ્ટને પાંચથી દસ મિનિટ સુધી હળવે હાથે ચહેરા પર મસાજ કરો. આ પછી હુંફાળા પાણી વડે ચહેરો ધોઈ નાખો. આમ કરવાથી ખીલ નહિ થાય.

પર્ફેક્ટ બોડી સ્ક્રબ

એક પાકું કેળું લો. આ પછી તેમાં બે ચમચી કસ્ટર્ડ ખાંડ ભેળવો અને બે ટીપાં એસેન્સિયલ ઓઈલ નાખો. અઠવાડિયામાં એક વાર આ ઓઈલથી બોડી સ્ક્રબ કરો. ડ્રાઈ સ્કિન માટે આ પેસ્ટ ખૂબ જ ઉપયોગી છે.

તળિયામાં કરો મસાજ

કેળા ફૂટ મસાજ માટે ખૂબ જ ઉત્તમ હોય છે. શિયાળામાં પાકેલા કેળાને તળિયા પર ઘસો. આથી તમારા તળિયા પૂરતાં પ્રમાણમાં મોઈશ્ચરાઈઝર રહેશે. પાકેલા કેળાનો ઉપયોગ કરીને તમે તળિયામાંથી આવતી દુર્ગંધને પણ અટકાવી શકો છો.

શૂ શાઈનર

પાકેલા કેળાની છાલને તમે શૂ શાઈનર તરીકે પણ ઉપયોગ કરી શકો છો. પરંતુ તમારે ખાસ એ વાતનું ધ્યાન રાખવું જરુરી છે કે એવા પાક્કા કેળાની છાલ હોવી જોઈએ જેમાં કાળા ધબ્બા થઈ ગયાં હોય.

વૂડ શાઈનર

જો તમારા ઘરમાં લાકડાનું ફર્નિચર રહેલું હોય તો તે ફર્નિચરને ચમકાવવા માટે પણ કેળાની છાલનો ઉપયોગ કરી શકો છો. પરંતુ તમારે એ વાતનું ધ્યાન રાખવું પડશે કે તે માત્ર પોલિશિંગ માટે જ વાપરી શકાશે.

આવો કરશે ‘જાદુ’

કેળા ‘ઈથીલીન’ નામનું હોર્મોન રીલિઝ કરે છે. આ હોર્મોન અન્ય ફળ અને શાકભાજીને પાકા કરવામાં વધુ મદદ કરે છે. આ માટે તમારે માત્ર એટલું કરવાનું કે પાકા કેળાને કાચા ફળ ભેગું રાખવું પડશે અને જુઓ કેવો થાય છે કમાલનો જાદુ.

દૂર કરશે ડાઘ

શાહીના ડાઘ હોય કે પછી દાળ કે અન્ય કોઈ જીદ્દી ડાઘ, કેળાની છાલ જીદ્દી ડાઘ માટેનું પર્ફેક્ટ સોલ્યુશન છે. કેળાની છાલનો અંદરનો ભાગ ડાઘ પર થોડી વાર ઘસો. આ પછી તેને કોઈપણ ડિટર્જન્ટ સાથે ધોઈ નાખો.