બેકાર છે કોમેડી કિંગ કપિલ શર્મા, ભોગવે છે આવો બાદશાહી ઠાઠ

રહ્યો હતો વિવાદોમાં

સ્ટેન્ડઅપ કોમેડિયન કપિલ શર્મા તાજેતરમાં જ ખૂબ વિવાદોમાં રહ્યો હતો. તેના આ વિવાદ મોટા અને નાના પડદાના સ્ટાર્સ સાથે હતાં. કપિલે સ્ટેન્ડઅપ કોમેડિયન ઉપરાંત મોટા પડદે પણ પોતાનું નસીબ અજમાવ્યું હતું. ‘ધ ગ્રેટ ઈન્ડિયન લાફ્ટર ચેલેન્જ-સીઝન 3’થી નાના પડદાની સફર શરુ કરનાર કપિલ આજે કરોડોની સંપત્તિનો માલિક છે. અહીં અમે કપિલ શર્માની પાંચ એવી ખાસ અને મોંઘી વસ્તુઓ વિશે જણાવવા જઈ રહ્યાં છીએ. જેના વિશે તમે કદાચ નહિ જાણતાં હો.

વોલ્વો એક્સસી 90

વોલ્વોની આ કાર ટોપ લક્ઝરી કાર્સમાંથી એક છે. સ્ટેન્ડઅપ કોમેડિયન કપિલ શર્મા આ કારનો માલિક છે. કપિલની આ કારની કિંમત 1.3 કરોડ રુપિયા છે.

મર્સિડીઝ બેન્ઝ એસ ક્લાસ

મર્સિડીઝની આ લક્ઝરી કાર પણ કપિલ શર્માની મોંઘી વસ્તુઓમાંથી એક છે. જેની કિંમત 1.19 કરોડ રુપિયા છે.

વેનિટી વેન

કપિલ શર્માએ જ્યારે વેનિટી વેન ખરીદી ત્યારે તે ખૂબ જ ચર્ચામાં રહ્યો હતો. કપિલની વેનિટી વેન ઈન્ડસ્ટ્રીની સૌથી મોંઘી વેનિટી વેનમાંથી એક છે. કપિલ શર્માની વેનિટી વેનની કિંમત 5.5 કરોડ રુપિયા છે.

ડીએલએચ એન્ક્લેવમાં ફ્લેટ

કોમેડિયન કપિલ શર્મા પાસે મુંબઈના ડીએલએચ એન્ક્લેવમાં એક મોંઘો ફ્લેટ છે. આ ફ્લેટની કિંમત 15 કરોડ રુપિયા છે. કથિત રુપે ગેરકાનૂની નિર્માણના કારણે આ ફ્લેટ વિવાદોમાં પણ રહ્યો હતો.

પંજાબમાં બંગલો

પંજાબમાં કપિલ શર્મા પાસે એક આલીશાન બંગલો છે. જેમાં એશો-આરામની દરેક સુવિધાઓ છે. આ બંગલાની કિંમત 25 કરોડ રુપિયા છે. કપિલ જ્યારે પંજાબમાં હોય છે ત્યારે આ બંગલા પર જ રહે છે.