કિડનીના દર્દીઓ માટે આશીર્વાદ સમાન છે કોફી, ઘટાડે છે મોતનું જોખમ

કોફી પીવાના છે ફાયદા

જ્યારે પણ ઊંઘ આવે છે અથવા તો થાક અનુભવાય છે ત્યારે સામાન્ય રીતે લોકો કોફી પીવે છે. કોફી પીવાના ફાયદા પણ છે. કોફી પીવાથી હૃદય અને મગજ સંબંધી બીમારીઓ થવાનો ખતરો ઘટે છે. હવે એક નવું રિસર્ચ સામે આવ્યું છે કે જે લોકો કિડની સંબંધિત બીમારીઓનો સામનો કરતા હોય તે કોફી પીવે તો ફાયદો થાય છે. તાજેતરમાં જ થયેલા એક સ્ટડીમાં આ પ્રકારનો દાવો કરાયો છે.

ઘટાડે છે મોતનું રિસ્ક

સ્ટડી પ્રમાણે, કોફી પીવાથી એ લોકોમાં મોતનું જોખમ ઘટી જાય છે જે લોકો કિડનીની ગંભીર બીમારીઓથી પીડાય છે. આ સ્ટડીમાં ઓછી કોફી પીતાં દર્દીઓની સરખામણી વધુ કોફી પીતાં દર્દીઓ સાથે કરવામાં આવી. રિઝલ્ટમાં સામે આવ્યું કે, વધારે કોફી પીતાં દર્દીઓમાં કિડનીની બીમારીના કારણે થતાં મોતનું જોખમ 25 ટકા ઘટ્યું છે.
વાંચો, આ ભૂલો કરશો તો ખરાબ થઈ જશે કિડની, જાણો લક્ષણ અને બચાવ

કિડનીનું ફંક્શન સુધારે

રિસર્ચરના મતે, કોફી કિડની સંબંધિત બીમારીઓમાં સુરક્ષા કવચ પૂરું પાડે છે અને તેનું કારણ નાઈટ્રિક એસિડ હોઈ શકે છે. કોફી નાઈટ્રિક એસિડ નામના એક તત્વને રિલીઝ કરવામાં મદદ કરે છે અને આ જ તત્વ કિડનીના ફંક્શનને સુધારવામાં મદદ કરે છે. આ સ્ટડીના મુખ્ય લેખક મિગુલ બાઈગોટ વિયારાએ કહ્યું કે, “આ પરિણામથી ખબર પડે છે કે જે દર્દીઓ કિડનીની ગંભીર બીમારીઓથી પીડાય છે તેમણે વધુમાં વધુ કોફી પીવી જોઈએ કારણકે તેનાથી મૃત્યુદર ઘટે છે.”
વાંચો, આયુર્વેદ પાસે છે કિડની ડાયાલિસિસનો વિકલ્પ, આ રીતે બચશે હજારો રુપિયા

4,863 લોકોને સ્ટડીમાં કરાયા સામેલ

જર્નલ નેફ્રોલોજી ડાયાલિસિસ ટ્રાંસપ્લાન્ટેશનમાં પ્રકાશિત સ્ટડીમાં 4,863 લોકો સંબંધિત ડેટાનો ઉપયોગ કરવામાં આવ્યો. જો કે રિસર્ચર્સે કબૂલ્યું કે, સ્ટડીમાં એ સાબિત નથી કરી શકાયું કે કેફીનની મદદથી કિડનીના દર્દીઓમાં મોતનું જોખમ ઘટે છે પરંતુ કોફી પીવી કિડની માટે ફાયદાકારક છે તેમ કહી શકાય.