Video : આદિલ રાશિદના ‘બૉલ ઑફ ધ સેન્ચુરી’એ છીનવી ભારતની જીત

રાહુલ-પંતની બેટિંગથી ડઘાઈ ગયું ઈંગ્લેન્ડ

લંડન : ઈંગ્લેન્ડ અને ભારત વચ્ચે કેનિંગ્ટન ઑવલ ખાતે રમાયેલી 5મી અને છેલ્લી ટેસ્ટમાં છેલ્લો દિવસ ઈંગ્લેન્ડ માટે પડકારભર્યો રહ્યો હતો. મેચના પાંચમા દિવસે ભારત જીત માટે 464 રનના વિશાળ ટાર્ગેટનો પીછો કરી રહ્યું હતું. ઈંગ્લિશ ખેલાડીઓએ અજિંક્ય રહાણે અને હનુમા વિહારીને તો જલ્દી આઉટ કરી લીધા હતા પણ બાદમાં કે એલ રાહુલ અને ઋષભ પંતની જોડીએ જે રીતે બેટિંગ કરી તે જોઈને ઈંગ્લેન્ડને પરસેવો છૂટી ગયો. બંનેએ 45 ઓવર સુધી બેટિંગ કરી અને લાગ્યું કે, બંને મળીને મેચને ભારતના પક્ષમાં લઈ ગયા છે પણ આદિલ રાશિદના એક બોલે આખી મેચનો તખ્તો પલટી નાખ્યો.

આદિલ રાશિદના મેજિકલ બોલે પલટી નાખી બાજી

રાશિદે 149 રન પર રમી રહેલા રાહુલને જે રીતે બોલ્ડ કર્યો તે કોઈ જાદુથી ઓછું નહોતું. ખુદ રાહુલ પણ આ બોલ જોઈને દંગ રહી ગયો. રાશિદનો આ બોલ એટલો જોરદાર હતો કે, તેની તુલના શેન વૉર્ન દ્વારા ફેંકાયેલા ‘બૉલ ઑફ ધ સેન્ચુરી’ સાથે થવા લાગી છે.

dream delivery for #Rashid and
another view of legendary @ShaneWarne delivery pic.twitter.com/kUEzY3bxHp

— Raina rasigan (@raina_rasigan) September 11, 2018

लेग साइड में पिच के बाहर से आकर ऑफ स्टंप पर बॉल जा लगी, #Rashid ने कमाल कर दिया. #BallOfTheCentury pic.twitter.com/2VxXiohoUP

— Anugrah Mishra (@anugrahspeaks) September 12, 2018

This one turned more than the one which got Kohli in ODI
Unbelievable #Rashid pic.twitter.com/AGgy6DMbwy

— The Notorious B.E.E (@chatpataka100) September 11, 2018

વોર્ન સાથે થઈ રહી છે સરખામણી

આ બોલની સોશિયલ મીડિયા પર ખૂબ ચર્ચા થઈ રહી છે. લોકો તેને ‘બોલ ઑફ ધ સેન્ચુરી’ કહીને ખૂબ લાઈક અને શેર કરી રહ્યાં છે. જોકે, ઘણા લોકો રાશિદની બોલિંગ સ્ટાઈલ પર સવાલ ઉઠાવી રહ્યાં છે. ઘણા લોકોનું કહેવું છે કે, રાશિદનો પગ બૉક્સની બહાર છે અને તેનો પાછલો પગ પણ રિટર્નિંગ ક્રિઝથી ઉપર છે. આ રીતે આ બોલ લીગલ ન કહી શકાય. લોકો તેને એમ્પાયરની ચૂક માની રહ્યાં છે.

1993માં વોર્ને ફેંક્યો હતો ‘બોલ ઑફ ધ સેન્ચુરી’

જણાવી દઈએ કે, અગાઉ ઑસ્ટ્રેલિયાના મહાન સ્પિનર શેન વૉર્ને 1993ની એશિઝ સીરીઝમાં માઈક ગેટિંગને એક શાનદાર બોલ પર આઉટ કર્યો હતો. વોર્ને ફેંકેલો બોલ લેગ સ્ટમ્પની બહાર પિચ ખાઈને ઑફ સ્ટમ્પ પર લાગ્યો હતો. આ બોલને એક્સપર્ટ્સ અને ક્રિકેટ ફેન્સ આજે પણ બૉલ ઑફ ધ સેન્ચુરી તરીકે યાદ કરે છે.