મેગીના 10 ખાલી પેકેટની સામે હવે મળશે 1 મેગીનું પેકેટ મફત!

મેગીના 10 ખાલી પેકેટની સામે 1 પેકેટ મફત

દેશની સૌથી મોટી ફૂડ કંપની નેસ્લે ઈન્ડિયાએ તેમની પ્રખ્યાત બ્રાન્ડ મેગી નૂડલ્સ માટે એક નવી સ્કીમ શરૂ કરી છે. આ સ્કીમ હેઠળ ગ્રાહકોને મેગી નૂડલ્સના 10 ખાલી પેકેટની સામે 1 મેગીનું પેકેટ મફત આપવામાં આવશે. આ સ્કીમ જલદી જ દેશના વિવિધ રાજ્યોમાં શરૂ થશે. હાલ આ સ્કીમ દેહરાદૂન અને મસૂરીમાં શરૂ થઈ છે.
અમારા ન્યૂઝ Whatsapp પર મેળવવા અહીં ક્લિક કરો

દેશના રિટેલર્સને સૌથી વધુ ફાયદો થશે

નેસ્લે ઈન્ડિયા કંપનીનું આ સ્કીમ અંગે કહેવું છે કે 10 ખાલી મેગીના પેકેટની સામે 1 મેગીનું પેકેટ મળવાથી દેશના રિટેલર્સને સૌથી વધુ ફાયદો થશે. કંપનીનો મુખ્ય હેતુ આ સ્કીમ થકી પ્લાસ્ટિકના કચરામાં ઘટાડો થાય તે અંગેનો છે. લોકો મેગીના ખાલી પ્લાસ્ટિકના પેકેટો કચરા પેટીમાં નાખવાની જગ્યાએ જ્યાં-ત્યાં ફેંકતા હતા પણ હવે આ સ્કીમથી પ્લાસ્ટિકના કચરામાં ઘટાડો થશે.

આ સ્કીમથી પ્લાસ્ટિકના કચરામાં ઘટાડો થશે

કારણકે દેશમાં મહારાષ્ટ્ર, ગુજરાત, ઉત્તરાખંડ અને તમિલનાડુમાં પ્લાસ્ટિકના ઉપયોગ પર પ્રતિબંધ છે એટલે વિવિધ કંપનીઓ હવે પ્લાસ્ટિકનો ખૂબ જ ઓછો ઉપયોગ કરી રહી છે. સપ્ટેમ્બર 2018માં ખત્મ કુલ ત્રણ મહિનામાં નેસ્લેનું વેચાણ 17.5 ટકા વધીને 2749.5 કરોડ રૂપિયા જોવા મળ્યું છે અને હવે 10 મેગીના પેકેટની સામે 1 મેગીના પેકેટની સ્કીમને કંપનીના પ્રમોશનલ ખર્ચમાં જોડવામાં આવશે.