₹100ની બીજી નવી નોટ આવશે, ફાટવા કે ડાઘ પડવાની કોઈ ચિંતા નહીં રહે!

100 રૂપિયાની નવી નોટ જોવા મળશે

જો તમારી પાસે 100 રૂપિયાની નવી નોટ આવી છે અને તમને તેને સાચવી રાખવાનું મન થાય છે તો જલ્દી જ વધુ એક નવી નોટ તમારી પાસે પહોંચવાની છે. જાણકારી મુજબ રિઝર્વ બેંકની બેઠકમાં વાર્નિશ પેઈન્ટ (ફર્નિચર પર કરાતું પૉલિશ) કરેલી 100 રૂપિયાની નવી નોટો જાહેર કરવાના પ્રસ્તાવને મંજૂરી મળી શકે છે. જો રિઝર્વ બેંકની બેઠકમાં પ્રસ્તાવને મંજૂરી મળી જશે તો શરૂમાં તેને ટ્રાયલ તરીકે બજારમાં લાવવામાં આવશે.

ફાટવા કે ડાઘ પડવાની મુશ્કેલીથી મળશે છૂટકારો

ખાસ વાત એ હશે કે તે નવી નોટને સંભાળીને રાખવાની જરૂર નહીં પડે. કારણ કે નવી નોટ જલ્દી ફાટશે નહીં, અને ના તો પાણીમાં ભીની થશે. કારણ કે તેના પર વાર્નિશ પેઈન્ટ લગાવેલો હશે. જી હાં, વાર્નિશ પેઈન્ટ જે આપણે ફર્નિચર કે લોખંડને પેઈન્ટ કરતા સમયે ઉપયોગ કરીએ છીએ.

શું હશે આ નોટમાં ખાસ

• નોટની સાઈઝ બિલકુલ 100 રૂપિયાની સાઈઝ જેટલી હશે. ગાંધી સીરીઝની નોટ હશે.
• તેની ડિઝાઈન પણ બિલકુલ હાલની નોટ જેવી જ હશે.
• પરંતુ વાર્નિશ પેઈન્ટ વાળી આ નવી નોટ હાલની નોટના મુકાબલે બે ગણી વધારે ટકાઉ હશે.
• હાલમાં 100 રૂપિયાની નોટ એવરેજ અઢીથી સાડા ત્રણ વર્ષ સુધી ચાલે છે, પરંતુ વાર્નિશ પેઈન્ટ લાગેલી નોટની ઉંમર બમણી થઈ જશે. એટલે કે તે 7 વર્ષ સુધી ચાલશે.

નોટના પ્રિન્ટીંગ પર કેટલો થશે ખર્ચ

• હાલની 100 રૂપિયાની 1000 નોટો પ્રિન્ટ કરવા પર 1570 રૂપિયા ખર્ચ આવે છે.
• વાર્નિશ નોટના છાપકામમાં લગભગ 20 ટકા વધારે ખર્ચ આવશે.
• પાણી હોય કે કેમિકલ તેનાથી નોટ ખરાબ નહીં થાય
• હાલની નોટોના મુકાબલે પાણી અથવા કેમિકલથી વાર્નિશ પેઈન્ટવાળી નોટોના ખરાબ થવાનો ચાન્સ 170 ટકા ઓછો હશે.
• વાર્નિશ પેઈન્ટ હોવાના કારણે નોટને વારંવાર વાળવી સરળ નહીં હોય, પરંતુ તમ છતાં હાલની નોટના મુકાબલે તેનો ફાટવાનો ચાન્સ 20 ટકા ઓછો હશે.