લાડકવાયીને આનાથી બીજુ વધુ શું હોય
તમારી બાળકી લગ્ન પહેલા જ કરોડપતિ બની શકે છે. આ વાતની ગેરંટી ભારત સરકાર આપશે. આ માટે તમારે તમારી બાળકીના નામ પર સુકન્યા સમ્રુદ્ધિ એકાઉન્ટ ઓપન કરાવવાનું રહેશે. તમે સુકન્યા સમૃદ્ધિ એકાઉન્ટ પોતાના નજીકના પોસ્ટ ઓફિસ અથવા બેંકમાં જઇને ખોલાવી શકો છો. આ સ્કીમમાં રોકાણ કરવા પર ટેક્સ છૂટ મળે છે.
તમારે જન્મથી 14 વર્ષ સુધી જ કરવાનું છે રોકાણ
તમે પોતાની બાળકીના નામથી સુકન્યા સમૃદ્ધિ એકાઉન્ટમાં 14 વર્ષ સુધી રોકાણ કરી શકો છો. દિકરીની ઉંમર 21 વર્ષની થવા પર આ એકાઉન્ટ મેચ્યોર થઇ જાય છે. જોકે આ એકાઉન્ટમાં જમા રકમ પર દિકરીના લગ્ન થવા પર વ્યાજ મળે છે. ઉદાહરણ તરીકે, જો તમે તમારી 1 વર્ષની દિકરીના નામ પર સુકન્યા સમૃદ્ધિ એકાઉન્ટ ઓપન કરાવો છો અને 14 વર્ષ સુધી દર મહિને 12.500 રૂપિયાનું રોકાણ કરો છો તો વર્તમાન વ્યાજદર અનુસાર તમારી દિકરી જ્યારે 21 વર્ષની થશે તો તેના એકાઉન્ટમાં કુલ 77,99,280 રૂપિયા જમા થશે.
દિકરી 25 વર્ષની ઉંમરમાં થઇ જશે કરોડપતિ
જો દિકરીના લગ્ન 25 વર્ષની ઉંમર સુધી નથી થતા તો આ રકમ પર વ્યાજ મળતું રહેશે અને 25 વર્ષની ઉંમરમાં તેના એકાઉન્ટમાં 1 કરોડ રૂપિયાથી વધારે રકમ જમા થશે. તમે 14 વર્ષમાં સુકન્યા સમૃદ્ધિ એકાઉન્ટમાં કુલ 21 લાખ રૂપિયાનું રોકાણ કરશો તો તમારી દિકરીને 1 કરોડ રૂપિયાથી વધારે રકમ મળશે.
વર્તમાન સમયમાં મળી રહ્યું છે વાર્ષિક 8.5 ટકા વ્યાજ
વર્તમાન સમયમાં સુકન્યા સમૃદ્ધિ સ્કીમમાં વાર્ષિક 8.5 ટકા વ્યાજ મળી રહ્યું છે. કેન્દ્ર સરકાર દર ત્રણ મહિને આ સ્કીમ પર મળતા વ્યાજની સમીક્ષા કરે છે. કોઇપણ વ્યક્તિ સુકન્યા સમૃદ્ધિ એકાઉન્ટમાં એક વર્ષમાં મહત્તમ 1.5 લાખ રૂપિયાનું રોકાણ કરી શકે છે. 1 વર્ષથી 10 સુધીની ઉંમરની દિકરીના નામ પર જ સુકન્યા સમૃદ્ધિ એકાઉન્ટ ખોલાવી શકાય છે.
No comments:
New comments are not allowed.