દાદી-નાનીના આ લાડુ શરદી જ નહીં બીજી પણ અનેક બીમારીઓથી બચાવશે, આ રીતે બનાવો

અનેક બીમારીઓનો રામબાણ ઈલાજ દાદી-નાનીના આ લાડુ

હવા પ્રદૂષણના કારણે ખતરનાક બનતી જઈ રહી છે. જેના કારણે અસ્થમા અને હાર્ટ સંબંધી બીમારીઓ થવાનો ખતરો વધી રહ્યો છે. સમાન્ય માણસ સહન કરી શકે તેના સ્તરથી 20 ગણું વધારે પોલ્યૂશન વધી ચૂક્યું છે. એવામાં લોકોને સંભવ હોય ત્યાં સુધી ઘરની અંદર જ રહેવાની સલાહ આપવામાં આવે છે પણ તેમ છતા કામકાજ અને દૈનિક જીવન માટે બહાર તો નીકળવું તો પડે જ. ત્યારે દાદી અને નાનીની આ દેશી લાડુડી તમને અનેક રોગ સામે રાહત આપી શકે છે. સવારે અને રાતે 1-1 ખાઈ લેવાથી ફ્લૂ, બળતરા અને સાયનસમાં પણ રાહત મળે છે. સાથે જ ડાઈજેશન પણ ઈમ્પ્રૂલ થાય છે.

સામગ્રી

લોટ 250 ગ્રામ
સાકર 200 ગ્રામ
દેશી ઘી 250 ગ્રામ
સૂંઠ 50 ગ્રામ
બદામ 50 ગ્રામ
કાજૂ 50 ગ્રામ
કિસમિસ 50 ગ્રામ
ગુંદર 50 ગ્રામ

બનાવવાની રીત

સૂંઠના લાડુ બનાવવા માટે સૌથી પહેલા ગુંદરને સૌથી પહેલા સાફ કરી નાના-નાના ટુકડા કરી લો. પછી કડાઈમાં એક મોટો ચમચો ઘીનો નાખી ગુંદરને તેમાં પકાવો. હવે આ ગુંદર પાકી ગયા બાદ તેને એક ડિશમાં કાઢીને ઠંડુ થવા રાખી દો. હવે ફરી એક ચમચો ઘી કડાઈમાં નાખી સૂંઠને લગભગ 2 મિનિટ સુધી સાંતળો. પછી તેને પણ બીજી એક પ્લેટમાં કાઢી લો.

બનાવવાની રીત

હવે કડાઈમાં ફરી એક મોટો ચમચો ઘી નાખી તેને ગરમ કરો હવે તેમાં લોટને શેકો, જ્યારે લોટ સોનેરી થવા લાગે ત્યારે તેને ગેસ પરથી ઉતારી લો. હવે ગુંદરને વેલણથી પીસીને બારિક ભૂક્કો બનાવો. તે બાદ શેકેલા લોટમાં સાકર, ગુંદર, સૂંઠ, સુક્કો મેવો નાખીને ખૂબ સારી રીતે મેશ કરો. બચેલું ઘી આ મિશ્રણમાં નાખો અને સરખી રીતે મિક્સ કર્યા પછી હાથેથી નાની નાની લાડુડી વાળી લો. બસ તૈયાર છે તમારી અનેક રોગોની બેસ્ટ દવા.