23 ડિસેમ્બરથી ફરી શરૂ થશે કપિલ શર્મા શો, જાણો આ વખતે શોમાં કોણ કોણ હશે

ડિસેમ્બરથી કમ બેકઃ

સુનિલ ગ્રોવર સાથે ઝઘડા બાદ ફેંકાઈ ગયેલો કપિલ શર્મા હવે 23 ડિસેમ્બરથી ટીવીના પરદે કમ બેક કરવા જઈ રહ્યો છે. અમારા સહયોગી અખબાર મિરરના સૂત્રોએ જણાવ્યા મુજબ આ વખતે કપિલ સાથે ભારતી સિંહ, કૃષ્ણા અભિષેક, ચંદન પ્રભાકર, કિકુ શારદા, સુમોના ચક્રવર્તી પણ જોવા મળશે. આ શો 23 ડિસેમ્બરથી સોની પર શરૂ થશે. બીજા જ દિવસે મુંબઈમાં કપિલનું વેડિંગ રિસેપ્શન છે જેથી તેને સેલિબ્રેટ કરવાનો ડબલ મોકો મળશે.

આવુ હશે ફોર્મેટઃ

સૂત્રોના જણાવ્યા મુજબ શોનું ફોર્મેટ તેના અગાઉના હિટ શો કોમેડી નાઈટ્સ વિથ કપિલને મેચ થાય તેવું હશે. આ માટે મુંબઈના ફિલ્મ સિટીમાં નવો સેટ બની રરહ્યો છે. આ સેટમાં ઘર હશે અને બજાર હશે જ્યાં વિવિધ પાત્રો એકબીજા સાથે વાતચીત કરશે.

શાહરૂખ પહેલો મહેમાન?

ચર્ચા એવી છે કે કપિલનો એક્ટર-ફ્રેન્ડ સલમાન ખાન આ પ્રોજેક્ટમાં પોતાનું દમ લગાવી રહ્યો છે જેથી કપિલ ધમાકેદાર કમબેક કરી શકે. સલમાન પાછળથી શોમાં દેખાશે. આ સાથે જ પહેલા ગેસ્ટ તરીકે શાહરૂખ ખાનને બોલાવવાનું આયોજન છે. ચર્ચા એવી છે કે ઝીરોની હીરોઈનો અનુષ્કા અને કેટરિના પણ શાહરૂખ સાથે આવશે.

ત્યારે લગ્ન કરી ચૂક્યો હશે કપિલઃ

ઓક્ટોબરમાં ચેનલે કપિલના કમબેકનું એક સ્ટેટમેન્ટ રીલીઝ કર્યું હતું. એક્ટરે ટ્વવીટ કરી લખ્યું હતું, “ધ કપિલ શર્મા શો” લઈને હું ટૂંક જ સમયમાં પાછો ફરી રહ્યો છે. કપિલ તે સમયે ગર્લફ્રેન્ડ ગિન્ની ચતાર્થ સાથે લગ્ન કરી ચૂક્યો હશે. 12 ડિસેમ્બરે કપલ પંજાબી સ્ટાઈલથી ધૂમધામથી લગ્ન કરશે. કપિલને વિશ્વાસ છે કે ગિન્ની તેની લાઈફસ્ટાઈલને ફરી પાટે લાવવામાં મદદ કરશે.

સલમાન કપિલ-સુનિલનું પેચ અપ કરાવી આપશે?

કપિલનો શો 23 એપ્રિલ 2016ના રોજ શરૂ થયો હતો. 130 એપિસોડ પછી ફાઈનલ એપિસોડ 20 ઓગસ્ટ 2017ના રોજ રીલીઝ થયો હતો. વાત એવી પણ છે કે સલમાન ભારતમાં તેની સાથે કામ કરતા સુનિલ ગ્રોવર સાથે પેચ અપ કરાવવાની કોશિશ કરી રહ્યો છે જેથી કપિલ સુનિલની જોડી ફરી પરદા પર સાથે જોવા મળી શકે.

from TV News in Gujarati, Tellywood News in Gujarati, ટેલિવિઝડ ન્યૂઝ ગુજરાતીમાં, Latest Tellywood News – Page Array – I Am Gujarat https://ift.tt/2DuQlNk