વૈશ્વિક રાહે સેન્સેક્સ 300 પોઈન્ટ્સ ડાઉન

66729588

મુંબઈ: વૈશ્વિક રાહે બુધવારે સવારે બેન્ચમાર્ક BSE સેન્સેક્સ 300 પોઈન્ટ્સથી વધુ ઘટીને ટ્રેડ થઈ રહ્યો હતો. વિદેશી ભંડોળ પરત ખેંચાઈ જવાને કારણે શેરબજારમાં ધૂમ વેચવાલી જોવા મળી હતી.

આજે સવારે 10.40 વાગ્યે BSE સેન્સેક્સ 311.08 પોઈન્ટ્સ ઘટીને 35,163.43 પોઈન્ટ્સની સપાટીએ ટ્રેડ થઈ રહ્યો હતો જ્યારે નેશનલ સ્ટોક એક્સચેંજનો નિફ્ટી 76.50 પોઈન્ટ્સ ગગડીને 10,579.70 પોઈન્ટ્સની સપાટીએ ટ્રેડ થઈ રહ્યો હતો.

આજે સવારથી જ મેટલ, IT, ટેકનો કેપિટલ ગૂડ્ઝ તેમજ પાવર વગેરે સેક્ટોરલ ઈન્ડાઈસિસ નેગેટિવ ઝોનમાં ટ્રેડ થઈ રહ્યા હતા. વૈશ્વિક મંદી અને અમેરિકા-ચીન વચ્ચેના ટ્રેડવોરના ભયથી વિશ્વભરના બજારોમાં ઘટાડા તરફી વલણ જોવા મળ્યું હતું. જોકે, ક્રૂડના ભાવ હાલમાં એક વર્ષની નીચી સપાટીએ આવતાં શેરબજારમાં વધુ ઘટાડો અટક્યો હતો.

ક્રૂડના આંતરરાષ્ટ્રીય ભાવમાં આશરે 7 ટકાના ઘટાડાને પગલે ઉડ્ડ્યન તેમજ ઓઈલ-માર્કેટિંગ કંપનીઓના શેર્સમાં ઉછાળો જોવા મળ્યો હતો. આજે જેટ એરવેઝ, ઈન્ટરગ્લોબ અને સ્પાઈસજેટના ભાવ 6.59 ટકા સુધી વધીને ટ્રેડ થઈ રહ્યા હતા.

BPCL, IOC અને HPCL વગેરે જેવી સરકાર હસ્તકની ઓઈલ માર્કટિંગ કંપનીના શેર્સ પણ 4.21 ટકા સુધી વધીને ટ્રેડ થઈ રહ્યા હતા.

આજ સવારે ઈન્ફોસિસ, TCS, વેદાંતા, વિપ્રો, ટાટા સ્ટીલ, RIL, બજાજ ઓટો, ICICI બેન્ક, પાવર ગ્રીડ, L&T, હિરો મોટોકોર્પ, HDFC બેન્ક, ઈન્ડસઈન્ડ બેન્ક અને અદાણી પોર્ટ્સના શેર્સ 3.71 ટકા સુધી ઘટીને ટ્રેડ થઈ રહ્યા હતા.

બીજી તરફ યસ બેન્ક, એશિયન પેઈન્ટ્સ અને ભારતી એરટેલના શેર્સ 2.62 ટકા સુધી વધીને ટ્રેડ થઈ રહ્યા હતા.

મગંળવારે અમેરિકાનો ડાઉ જોન્સ 2.21 ટકા ઘટીને બંધ રહ્યા બાદ આજે સવારે જાપાનનો નિક્કાઈ, કોરિયાનો કોસ્પી અને હોંગકોંગનો હેંગસેંગ ઈન્ડેક્સ ઘટીને ટ્રેડ થઈ રહ્યા હતા.

]]>

from Page Array – I Am Gujarat https://ift.tt/2DPq11w