નવી દિલ્હી:ગ્લોબલ બ્રોકિંગ કંપની CLSAના મતે, નરેન્દ્ર મોદીની આગેવાની હેઠળની સરકાર માટે 2019ની ચૂંટણી જીતવાનું કામ મુશ્કેલ રહેવાની શક્યતા છે. આગામી ચૂંટણીમાં ભાજપને ઓછી બેઠક મળવાની શક્યતા છે પરંતુ કેન્દ્રમાં તો ભાજપની જ સરકાર આવે તેવી શક્યતા છે.
21મી ઇન્ડિયા ઇન્વેસ્ટર કોન્ફરન્સમાં પ્રેઝન્ટેશન દરમિયાન CLSAએ 2019માં કેન્દ્રમાં નબળા ગઠબંધનની સરકાર રચાવાની 25-30 ટકા શક્યતા વ્યક્ત કરી હતી. મજબૂત ગઠબંધન સાથે કોંગ્રેસના સત્તામાં આવવા અંગે તેણે 5-10 ટકા શક્યતા વ્યક્ત કરી હતી જ્યારે બિન-ભાજપ સરકાર બનવા અંગે તેણે 30-40 ટકા શક્યતા વ્યક્ત કરી હતી.
CLSAને અપેક્ષા છે કે, ભાજપને 2014 જેવી સફળતા મળવાની શક્યતા ઓછી છે. વિપક્ષોની એકતા પર બધો આધાર રહેશે. CLSAના મતે, મોદી સરકાર ફરી સત્તા પર આવે તેવી 50-55 ટકા શક્યતા છે પરંતુ તેના માટે ગઠબંધનનો સહારો લેવો પડશે.
જો નબળું ગઠબંધન રચાશે તો, બજારમાં 10-20 ટકાનું તીવ્ર કરેક્શન આવી શકે છે એમ CLSAએ જણાવ્યું હતું. રોકાણકારોનું સેન્ટિમેન્ટ લાંબો સમય સુધી ખરડાયેલું રહે તેવી શક્યતા છે. કરેક્શનની વચ્ચે પણ લાંબા ગાળાના રોકાણકારોને ખરીદીની અમુક તક મળશે. CLSAએ IT, ફાર્મા, યુટિલિટીઝ અને સ્ટેપલ્સમાં ખરીદી કરવાની સલાહ આપી છે.
રાહુલ ગાંધીની આગેવાની હેઠળનો પક્ષ એકલા હાથે 150 સીટ લાવે તેવી શક્યતા છે. જોકે, 2014માં કોંગ્રેસની 44 બેઠકો મળી હોવાથી આવી શક્યતા ઘણી ઓછી છે.
આ તમામ બાબતોને ધ્યાનમાં રાખીને CLSAએ કન્ઝમ્પ્શન, ચોક્કસ ખાનગી બેન્કો અને ફાઇનાન્શિયલ્સ, નિકાસકાર કંપનીઓ અને IT કંપનીઓ તેમજ RILને ખરીદવાની સલાહ આપી છે.
]]>
from Page Array – I Am Gujarat https://ift.tt/2zTU9UN
No comments:
Post a Comment