આ 6 કારણો, જે તમને રજનીકાંત-અક્ષયની 2.0 જોવા માટે મજબૂર કરી દેશે

આ કારણોસર જરૂર જોવી જોઈએ ‘2.0’

સુપરસ્ટાર રજનીકાંત અને અક્ષય કુમારની મોસ્ટ અવેટેડ ફિલ્મ ‘2.0’ હવે રિલીઝ થવા જઈ રહી છે. આવો જાણીએ તે 6 કારણ વિશે જે કહે છે કે, તમારે આ ફિલ્મ.

સૌથી મોંઘી ભારતીય ફિલ્મ

રજની અને અક્ષયની આ ફિલ્મ ભારતીય સિનેમાની અત્યાર સુધીની સૌથી મોંઘી ફિલ્મ છે. આશરે 543 કરોડના ભારે ભરખમ બજેટમાં બનાવવામાં આવેલી આ ફિલ્મમાં આખરે મેકર્સે એવું તે શું દેખાડ્યું છે તે જોવાની ઉત્સુકતા તો દરેકને હશે જ.

રજનીકાંત

આ ફિલ્મને જોવાનું એક કારણ રજનીકાંત પોતે પણ છે. આ ફિલ્મમાં રજની ત્રણ જુદા-જુદા રોલ ડૉક્ટર વશીકરણ, ચિટ્ટી અને ચિટ્ટી 2.0માં દેખાવાનો છે. જોકે, ચર્ચા છે કે, રજનીનો વધુ એક અવતાર આ ફિલ્મમાં જોવા મળશે, જેને મેકર્સે અત્યાર સુધી છૂપાવીને રાખ્યો છે. જણાવી દઈએ કે, હેલ્થ પ્રોબ્લેમ છતા રજનીકાંતે આ ફિલ્મ માટે ખૂબ મહેનત કરી છે.

એસ. શંકરનું નિર્દેશન

ડિરેક્ટર એસ. શંકર પોતાની ફિલ્મોમાં સોશિયલ રિસ્પોન્સિબિલિટી અને ક્વૉલિટી કન્ટેન્ટ માટે જાણીતા છે. તેમણે પોતાની ફિલ્મો દ્વારા સોસાયટીની સમસ્યાઓનો મુદ્દો ઉઠાવ્યો છે. તેમની આ ફિલ્મમાં પણ કંઈક એવું જ જોવા મળશે, જેમાં તે ફોનના વધુ પડતા ઉપયોગથી થનારા નુકસાન વિશે જણાવશે.

અક્ષય કુમાર

બોલિવૂડનો ખિલાડી અને હેન્ડસમ એક્ટર અક્ષય કુમાર પોતાના કરિયરમાં પહેલીવાર આ ફિલ્મ દ્વારા નેગેટિવ રોલમાં દેખાવાનો છે. તેના ‘ક્રૉ મેન’વાળા લુક્સ વિશે ઘણી ચર્ચા થઈ રહી છે. રિપોર્ટ અનુસાર અક્ષયને પોતાના આ અવતાર માટે રોજ ત્રણ કલાક મેકઅપ કરવો પડતો હતો. જોકે, તે જેવો-તેવો નથી પણ તેનું પાત્ર સૌથી મહત્વનું પાત્ર છે, જેના દ્વારા ફિલ્મનો સંદેશ આપવામાં આવશે.

વિઝ્યુઅલ ઈફેક્ટ્સ

આ ફિલ્મમાં VFX અને સ્પેશિયલ ઈફેક્ટ્સનો શાનદાર નજારો જોવા મળશે. ઘણી જગ્યાએ લાગી રહ્યું છે કે, સીન્સ જોઈને દર્શકો સ્તબ્ધ થઈ જશે.

4D સાઉન્ડ

રિપોર્ટ્સ અનુસાર, આ ફિલ્મ દ્વારા પ્રથમ વખત 4D સાઉન્ડ ઈન્ટ્રોડ્યૂસ કરવામાં આવી રહ્યો છે. હવે આને સાંભળવા માટે તો તમારે ફિલ્મ જોવી જ પડશે.