ઈન્ડિગોની ઓફર: અમદાવાદથી મુંબઈ પ્લેનમાં માત્ર રુ. 899માં

6 ડિસેમ્બરથી 14 એપ્રિલ સુધીની ઓફર

નવી દિલ્હી: ઈકોનોમી એર ટ્રાવેલ ઓફર કરતી ઈન્ડિગોએ વિન્ટર સેલ શરુ કર્યો છે. જેમાં ડોમેસ્ટિક એર ટ્રાવેલ માત્ર 899 રુપિયામાં કરી શકાશે, જ્યારે ઈન્ટરનેશનલ રુટનું ભાડું 3149 રુપિયાથી શરુ થાય છે. આ ઓફર હેઠળ 6 ડિસેમ્બર 2018થી લઈને 14 એપ્રિલ 2019 માટે ખરીદાયેલી ટિકિટ પર લાગુ પડશે.
અમારા ન્યૂઝ Whatsapp પર મેળવવા માટે ક્લિક કરો

25 નવેમ્બર સુધી ચાલશે સેલ

ઈન્ડિગોએ આ ઓફર હેઠળ ટિકિટોનું વેચાણ 21 નવેમ્બરથી જ શરુ કરી દીધું છે, જે 25 નવેમ્બર સુધી ચાલશે. ટાઈમ્સ ઓફ ઈન્ડિયાના અહેવાલ અનુસાર, આ ઓફરમાં દસ લાખ ટિકિટો વેચાશે. ઈન્ડિગોના ચીફ કંર્શ ઓફિસર વિલિયમ બોલ્ટરે જણાવ્યું હતું કે, વર્ષ પુરું થવાની તૈયારીમાં છે, મોટાભાગના લોકો આ સમયે જ રજા પ્લાન કરતા હોય છે. જેને ધ્યાનમાં રાખી આ ઓફર લોન્ચ કરાઈ છે.

અમદાવાદથી મુંબઈ 899માં

આ ઓફરમાં અમદાવાદથી મુંબઈની એર ટિકિટ માત્ર રુપિયા 899 રુપિયામાં મળી રહી છે. તેને ઈન્ડિગોની વેબસાઈટ કે બીજા કોઈપણ ઓનલાઈન કે ઓફલાઈન માધ્યમથી બુક કરાવી શકાય છે. મુસાફરીના 15 દિવસ પહેલા ટિકિટ બુક કરાવવી જરુરી છે. જોકે, તેમાં ટેક્સ તેમજ અન્ય ચાર્જ અલગથી આપવાના રહેશે.