મલાઈકાએ હટાવી ખાન સરનેમ
અર્જુન કપૂર સાથે અફેર અને લગ્નની ચર્ચાઓ વચ્ચે મલાઈકા અરોરાએ પોતાના ઓફિશિયલ ઈન્સ્ટાગ્રામ અકાઉન્ટમાંથી ‘ખાન’ સરનેમ હટાવી દીધી છે. અર્જુન-મલાઈકના અફેરની હવાને આગ આપવાનું કામ કરતી પોસ્ટ મલાઈકાએ કરી. મલાઈકાએ ગુરુવારે સવારે ‘AM’લખેલું પેન્ડન્ટ પહેરેલી તસવીર શેર કરી.
‘AM’ પેન્ડન્ટ ચર્ચામાં
45 વર્ષીય મલાઈકાએ ઈન્સ્ટાગ્રામ પર પોતાનું પેન્ડન્ટ દર્શાવતી સ્ટોરી મૂકી. ‘AM’લખેલું પેન્ડન્ટ જોઈને અટકળો શરૂ થઈ ગઈ કે આ ‘અર્જુન-મલાઈકા’ દર્શાવે છે. જો કે થોડા કલાકો બાદ મલાઈકાએ પેન્ડન્ટ સાથેની બીજી એક તસવીર શેર કરીને તમામ અટકળો પર પૂર્ણ વિરામ મૂકી દીધું.
‘AM’નું કરી નાખ્યું ‘MA’
નવી તસવીરમાં મલાઈકાએ પેન્ડન્ટની દિશા બદલી નાખી એટલે ‘MA’ થઈ ગયું. મલાઈકાએ સ્ટોરીમાં લખ્યું કે, “થેન્ક્યૂ વ્હાબીઝ મહેતા સુંદર MA પેન્ડન્ટ આપવા માટે. MAનો અર્થ થાય છે મલાઈકા અરોરા…જે મારું નામ છે.”
ઘણા દિવસોથી અફેરની ચર્ચા
છેલ્લા ઘણા દિવસથી અર્જુન-મલાઈકા ઈવેન્ટ્સ અને ડિનર ડેટ પર સાથે જોવા મળે છે. શરૂઆતમાં બંનેએ પોતાની રિલેશનશીપ નકારી હતી પરંતુ બંને જાહેરમાં અનેક વખત સાથે જોવા મળ્યા છે. તાજેતરમાં જ ‘કોફી વિથ કરણ’માં જ્હાન્વી સાથે પહોંચેલા અર્જુનને કરણે રિલેશનશીપ અંગે સવાલ કર્યો હતો. જેના જવાબમાં અર્જુને કહ્યું કે, “હું સિંગલ નથી.” અર્જુને સ્વીકાર્યું કે પહેલા તે લગ્ન માટે તૈયાર નહોતો પરંતુ હવે લગ્ન કરીને ઠરીઠામ થવા માગે છે.
No comments:
New comments are not allowed.