ડીલીવરીના દસ જ દિવસમાં કામે વળગી નેહા ધૂપિયા, એડ માટે કર્યું શૂટિંગ 😮

દસ જ દિવસમાં કામે વળગી નેહાઃ

બોલિવુડ એક્ટ્રેસ નેહા ધૂપિયાએ 10 જ દિવસ પહેલા પુત્રીને જન્મ આપ્યો છે અને હવે તે કામે વળગી છે. નેહાના શૂટના ફોટોઝ સોશિયલ મીડિયા પર વાયરલ થઈ રહ્યા છે. તે એક કંપનીની એડ કરવા તૈયાર થતી જોવા મળી રહી છે. પહેલો ફોટો એક સેલ્ફી છે જેમાં નેહા પોતાના વાળ સેટ કરતી જોવા મળે છે. બીજામાં તે એક કેમેરા સામે પોઝ કરતી જોવા મળે છે.
અમારા ન્યુઝ WhatsApp પર મેળવવા અહીં ક્લિક કરો

ઈન્સ્ટા સ્ટોરી શેર કરીઃ

નેહાએ પોતાની ઈન્સ્ટાગ્રામ સ્ટોરીઝમાં શેર કર્યું હતું કે બેબી પછી તે કેવી રીતે કામ પર પાછી ફરવાની ‘પા પા પગલી’ ભરી રહી છે. તે કોઈ ક્લોધિંગ બ્રાન્ડ માટે શૂટ કરી રહી હોય એવુ લાગે છે.

ઘરે જ ચાલી રહ્યું છે શૂટઃ

આ શૂટ નેહાના ઘરે જ ચાલી રહ્યું હોય તેવુ લાગી રહ્યું છે. આ કપલને પુત્રીના જન્મ માટે શુભેચ્છા આપતા મર્ચન્ડાઈઝ પણ ફોટામાં જોવા મળે છે.

18 નવેમ્બરે દીકરીને જન્મ આપ્યોઃ

નેહા અને અંગદ અત્યારે જ એક દીકરીના માતા-પિતા બન્યા છે. 18 નવેમ્બરે નેહાએ દીકરીને જન્મ આપ્યો જેનું નામ મેહર ધૂપિયા બેદી છે. બોલિવુડ જગતના કેટલાંય સેલેબ્સે નેહા ધૂપિયા અને અંગદને આ માટે શુભેચ્છા આપી હતી.

હોસ્પિટલ બહાર જોવા મળ્યાઃ

નેહાએ સોશિયલ મીડિયા એકાઉન્ટ પર દીકરીનો ફોટો પોસ્ટ કરીને તેનું નામ જણાવ્યું હતું. નેહાને બીજા જ દિવસે હોસ્પિટલમાંથી ડિસ્ચાર્જ કરી દેવાઈ હતી. અંગદ અને નેહાને સાથે બહાર નીકળતા જોવામાં આવ્યા હતા.