કોંગ્રેસ કે BJP? જાણો મધ્યપ્રદેશમાં કોના પર લાગી રહ્યો છે કેટલો સટ્ટો

કોંગ્રેસ કે ભાજપ, શું છે સટ્ટા બજાર ટ્રેન્ડ

ભોપાલ, TNN: મધ્યપ્રદેશમાં આ વખતે વિધાનસભા ચૂંટણી ઘણી રસપ્રદ થવાની છે. ભોપાલનું સટ્ટા બજાર 3 અઠવાડિયા પહેલા સુધી ભાજપ માટે તક બતાવી રહ્યું હતું પણ હવે અચાનક કોંગ્રેસની સંભાવના વધી ગઈ છે. બુકીઓના જણાવ્યા પ્રમાણે એક મહિના પહેલા સુધી કોઈ વ્યક્તિ ભાજપ પર 10,000ની શરત લગાવતું હતું તેને પાર્ટીમાં સત્તા આવવા પર 11,000 મળવાના હતા જ્યારે કોઈ શખસ કોંગ્રેસ પર 4400 રુપિયાનો સટ્ટો લગાવે તો તેને વિરોધ પક્ષની જીત પર 10 હજાર મળવાના હતા.

અમારા ન્યૂઝ Whatsapp પર મેળવવા અહીં ક્લિક કરો

સટ્ટાનો ટ્રેન્ડ બદલાયો

બુકીઓનું કહેવું છે કે, આ અઠવાડિયાથી હવે એ સીટોની સંખ્યા શરત લાગી રહી રહી છે નહીં કે કોણ સરકાર બનાવશે. એક બુકીએ જણાવ્યું, અમે એ નથી કહેવા માગતા કે કોની પાર્ટી સરકાર બનાવશે. દાવ ખુલ્લા છે. આ ચૂંટણીની મોસમમાં સટ્ટા બજાર સારું ચાલી રહ્યું છે કારણ કે આ વખતે ટક્કર ઘણી નજીકની છે. બુકીઓનું માનવું છે કે સટ્ટા ટ્રેન્ડ ભલે વાસ્તવીક પરિણામથી અલગ હોય પણ માર્કેટમાં કોંગ્રેસ માટે 116થી વધુ બેઠકો અને ભાજપ માટે 102થી વધુ બેઠકો પર દાવ લગાવવામાં આવી રહ્યો છે.

આ રીતે લાગી રહ્યા છે સટ્ટા

જો કોઈનો દાવ ભાજપ કે કોંગ્રેસમાંથી કોઈના પર બરાબર રહ્યો તો રુપિયા ડબલ થઈ જશે. બુકીઓએ આગળ કહ્યું કે, દરેક વખતની જેમ ટ્રેન્ડ આગલા કેટલાક દિવસમાં બદલાઈ શકે છે કારણ કે ચૂંટણી પ્રચાર આ દિવસોમાં ઘણાં તેજ છે. સટ્ટા બજારમાં દરેક ચૂંટણીમાં કરોડો રુપિયાના દાવા લગાવવામાં આવે છે. દાવ માત્ર ફોન પર જ નહીં પણ વેબસાઈટ અને એપ્સથી પણ લગાવવામાં આવી રહ્યા છે. કદાચ આ જ કારણે રાજ્યમાં હજુ સુધી કોઈ ગેંગનો ચૂંટણીમાં સટ્ટાબાજી રેકેટ ચલાવવાનો ભાંડો નથી ફૂટ્યો.

‘ગેંગનો ભાંડો ફોડવો મુશ્કેલ’

ભોપાલની નજીક 2 કેસ રોજ રજિસ્ટર થાય છે પણ ચૂંટણી સત્રમાં રેકેટ ચાલવનારા લોકો હજુ સુધી પકડાયા નથી. પોલીસ અધિકારીઓનું માનવું છે કે આ ગેંગનો ભાંડો ફોડવો મુશ્કેલ છે કારણ કે તેઓ સતત એક જગ્યાએથી બીજી જગ્યાએ મૂવ કરતા રહે છે. એક અધિકારીએ કહ્યું- ઓનલાઈન બેટિંગ ક્યાંયથી પણ ઓપરેટ થઈ શકે છે જેમ કે કાર, કાફે કે પથી દેશના કોઈ પબ્લિક પ્લેસ પર. જે લોકો ભોપાલમાં ગેંગ ચલાવે છે તેઓ દુનિયામાં ક્યાંય પણ બેસીને ઓપરેટ કરી શકે છે.

ગુનેગારોને પકડવા સ્પેશિયલ કેમ્પેન

એસપી સાઉથ રાહુલ કુમાર લોઢાએ કહ્યું કે ગુનેગારો સામે સ્પેશિયલ કેમ્પેન ચલાવવામાં આવી રહ્યું છે જે ચૂંટણી દરમિયાન ગેમ્બલિંગ કે બેટિંગ કરે છે. એસએસપી ક્રાઈમ રશ્મિ મિશ્રાનું કહેવું છે કે, ઓનલાઈન સટ્ટા કે ગેમ્બલિંગને પકડવું થોડું મુશ્કેલ છે, પણ પોલીસ ખાસ ઈનપુટ્સના આધારે એક્શન લઈ રહી છે. તેમણે જણાવ્યું કે ઉદાહરણ માટે ઈનપુટના આધારે અમે સોમવારે રાત્રે કોલારમાં એક દરોડો પાડ્યો પણ ત્યાં કશું મળ્યું નહીં. તેમણે કહ્યું કે- સાઈબર સેલ બેટિંગ રેકેટ્સ દ્વારા ચાલાવાતા વોટ્સએપ અને મોબાઈલ એપ પર સતત નજર રાખે છે.

from Page Array – I Am Gujarat https://ift.tt/2zjyYfw