રણવીર-દીપિકાના જુદા જુદા લૂક્સઃ
દીપિકા-રણવીરે હાલમાં જ સિંધી-કોંકણી રિવાજથી ઈટાલીના લેક કોમોમાં લગ્ન કર્યા હતા. લગ્ન પછી તેમના મેરેજના ફોટોઝ સોશિયલ મીડિયા પર વાયરલ થઈ રહ્યા છે. લગ્ન દરમિયાન રણવીર અને દીપિકા અલગ અલગ લુક્સમાં જોવા મળ્યા હતા.
રણવીરનું ઈગલ પેન્ડન્ટઃ
દીપિકા દરેક લૂકમાં ઘરેણાથી લદાયેલી જોવા મળી હતી જ્યારે રણવીર શાહી અંદાજમાં જોવા મળ્યો હતો. રણવીરે સિંધી રિવાજથી થયેલા લગ્નમાં ગળામાં પહેરેલા ઈગલ પેન્ડન્ટે બધાનું ધ્યાન દોર્યું છે.
રૂબીનો હારઃ
આનંદ કારજના રિવાજ દરમિયાન રણવીરે પિંક કાંજીવરમ શેરવાની સાથે માથે સાફો બાંધ્યો હતો. રોયલ લૂક આપવા તેણે રૂબીથી બનેલો હાર પહેર્યો હતો. આ હાર પણ ખૂબ જ કિંમતી છે.
ઈગલ પેન્ડન્ટની ખાસિયતઃ
રણવીરે ગળામાં ઈગલ આકારનું પેન્ડન્ટ પહેર્યું હતું. આ ખાસ પેન્ડન્ટ 18મી સદીમાં દક્ષિણ ભારતમાં પહેરવામાં આવતુ હતુ. તેમાં પાંખ ફેલાવેલા બાજને સોનાથી બનાવવામાં આવે છે. તેના પર કુંદન લગાવવામાં આવે છે. સાથે જ બાજની આંખ અને પાંખમાં ડાયમન્ડ અને રૂબી લગાવાય છે. રણવીરે સિંધી વેડિંગમાં આ પેન્ડન્ટ સાથે રૂબીની માળા પહેરી હતી જેનાથી તેનો લૂક જાજરમાન લાગતો હતો.
દીપિકાની જ્વેલરી કરતા પણ મોંઘુઃ
નિષ્ણાંતોના જણાવ્યા મુજબ રણવીરનો આ હાર દીપિકાની વેડિંગ રિંગ અને મંગળસૂત્ર કરતા પણ મોંઘો છે. ઉલ્લેખનીય છે કે દીપિકાની વેડિંગ રિંગની કિંમત અંદાજે 3 કરોડ જેટલી છે.
No comments:
New comments are not allowed.