આ ગંભીર બીમારીથી આજે પણ પીડાય છે સારા અલી ખાન, વજન એટલું વધી ગયું હતું કે…

લુક્સ પર કરી ઘણી મહેનતઃ

સૈફ અલી ખાનની 25 વર્ષની દીકરી સારા અલી ખાન કેદારનાથથી બોલિવુડમાં પર્દાર્પણ કરવા જઈ રહી છે. ફિલ્મ 7 ડિસેમ્બરે રીલીઝ થવાની છે. બોલિવુડમાં આવતા પહેલા સારા અલી ખાને પોતાના લુક્સ પર ઘણી મહેનત કરી હતી. સારાનું વજન 96 કિલો જેટલું હતું. આ વાતનો ખુલાસો તેણે કૉફી વિથ કરણ શો પર કર્યો હતો.

વજન વધીને 96 કિલો થઈ ગયુ હતુઃ

ફિલ્મથી પહેલા સારાનો લુક સાવ જુદો જ હતો. સારાએ બતાવ્યું કે તે એક બીમારીથી પીડાય છે જેને કારણે તેનું વજન ઘણું વધી ગયુ હતુ. આ બીમારીમાં વજન ઘટાડવુ ખૂબ મુશ્કેલ હોય છે. સારા કોલંબિયા યુનિવર્સિટીમાં ભણતી હતી ત્યારે તેનું વજન 96 કિલો હતુ.

આ બીમારીથી પીડાય છેઃ

સારાને PCOC એટલે કે પોલિસિસ્ટિક ઓવેરિયન સિન્ડ્રમ છે. તેણે જણાવ્યું કે તે 96 કિલોની હતી અને તેને PCOC હતો જેને કારણે તેનું વજન ઘણુ વધી ગયુ હતુ. વજન ઘટાડવું તેના માટે એક મોટો પડકાર બની ગયો હતો. આજકાલ ભાગદોડ ભર્યા જીવનમાં 10માંથી 1 છોકરીને આ બીમારી હોય છે.

આજે એકદમ ફિટ છે સારાઃ

આ બીમારીને કારણે મહિલાઓ કે સ્ત્રીઓના શરીરમાં દર મહિને જરૂર કરતા વધારે એગ્સ બનવા માંડે છે. મેન્સ્ટ્રુઅલ સાઈકલ ખરાબ થવાને કારણે ઓવરીમાં એક્સ્ટ્રા એગ્સ જમા થવા માંડે છે અને તેની ગાંઠ બનવા માંડે છે. ઓપરેશન છતાંય એગ્સ બનતા જાય છે. સારાએ પોતાની આ બીમારી તરફ ખાસ ધ્યાન આપ્યું અને તેનું જ પરિણામ છે કે તે એકદમ ફિટ દેખાય છે.

કેદારનાથથી પર્દાર્પણ કરશેઃ

કેદારનાથની વાત કરીએ તો તે અભિષેક કપૂરે ડાયરેક્ટ કરી છે. ફિલ્મના ટ્રેલર અને ગીતોને સારો પ્રતિસાદ મળી રહ્યો છે.