નારાજ ફેને શાહરુખના ઘર ‘મન્નત’ની બહાર જ કાપ્યું ગળું!

‘ઝીરો’ના પ્રમોશનમાં વ્યસ્ત SRK

શાહરુખ ખાન હાલ પોતાની ફિલ્મ ‘ઝીરો’ના પ્રમોશનમાં વ્યસ્ત છે. તાજેતરમાં જ તેણે પોતાનો જન્મદિવસ પણ ધામધૂમથી સેલિબ્રેટ કર્યો હતો. હવે એવા ન્યૂઝ છે કે શાહરુખના ઘર મન્નતની બહાર તેની રાહ જોઈ રહેલા એક ફેન્સે થાકીને નારાજ થઈ પોતાનું ગળું કાપ્યું હતું.
અમારા ન્યૂઝ Whatsapp પર મેળવવા અહીં ક્લિક કરો

‘મન્નત’ની બહાર કાપ્યું ગળું!

રિપોર્ટ અનુસાર મોહમ્મદ સલીમ નામનો એક શખસ શાહરુખના ઘર મન્નતની બહાર શુક્રવારે સવારથી જ તેની એક ઝલક મેળવવા માટે રાહ જોઈ રહ્યો હતો. શુક્રવારે એક્ટરના ઘરની બહાર તેના બર્થડે પર સ્ટાર્સની અવર જવર ચાલું જ હતી. શાહરુખના ઘરની બહાર ભીડ જોઈને પોલીસનો બંદોબસ્ત પણ કરવામાં આવ્યો હતો. જેથી તેના ઘરની અંદર કોઈ વ્યક્તિ પરવાનગી વગર દાખલ ન થઈ શકે.

એકઠી થઈ હતી ભીડ

શાહરુખ ખાનના ઘરની બહાર ખૂબ જ ભીડ જોવા મળી હતી. આ દરમિયાન સવારે 3 કલાક પાંચ મિનિટે સલીમે છરીથી પોતાનું ગળું કાપ્યું હતું. રિપોર્ટ અનુસાર ઘટનાસ્થળે હાજર રહેલા પોલીસકર્મીઓએ સલીમને હોસ્પિટલે પહોંચાડ્યો હતો. જ્યાં તેની સારવાર કરવામાં આવી હતી.

કોઈ જ ફરિયાદ નહિ

મીડિયા રિપોર્ટ્સ અનુસાર સલીમની પત્નીને ફોન કરીને બોલાવવામાં આવી અને ત્યાંથી રજા આપવામાં આવી હતી. જોકે, આ ઘટનાને લઈને કોઈ જ રિપોર્ટ દાખલ કરાવવામાં આવી નથી.