યુવકે આ ‘ઢિંગલી’ને બનાવી પત્ની, લગ્નમાં ખર્ચ કર્યા લાખો રૂપિયા

ઢિંગલી સાથે કર્યા લગ્ન

જાપાનના એક 35 વર્ષના વ્યક્તિએ અનોખી ‘ઢિંગલી’ સાથે લગ્ન કર્યા. એટલું જ નહીં અકિહિકો કોન્ડો નામના વ્યક્તિએ લગ્ન સમારોહ પર અંદાજીત 13 લાખ રૂપિયાનો ખર્ચ કર્યો. જે ઢિંગલી સાથે લગ્ન કર્યા તે વર્ચુઅલ રિયલિટી સિંગિંગ હોલોગ્રામથી સજ્જ છે.

પત્નીનું નામ ‘મિકૂ’

જોકે અકિહિકોના આ લગ્નથી તેમની માતા ખુશ નથી. તેની ‘પત્ની’ એટલે કે હોલોગ્રામની ઉંમર અંદાજીત 16 વર્ષ છે. તેનું નામ મિકૂ રાખવામાં આવ્યું છે.

લગ્નમાં માતા ન આવી

ટોક્યોમાં યોજાયેલા લગ્નના કાર્યક્રમમાં અકિહિકોની માતા અને અન્ય સંબંધીઓ આવ્યા નહોતા. આ ઉપરાંત અન્ય 40 ગેસ્ટ હાજર રહ્યા હતા.

જાપાનમાં બેચલરની સંખ્યામાં વધારો

જાપાનમાં યુવાનો લગ્ન કરવાથી દૂર ભાગી રહ્યા છે. બેચલર લોકોની સંખ્યા વધી રહી છે. એકલતા દૂર કરવા માટે યુવાનો ઘણી વખત આધુનિક વસ્તુઓમાં રસ દેખાડે છે.

પોતાને માને છે કે પરણિત પુરૂષ

અકિહિકોએ કહ્યું કે, ‘મેં ક્યારેય પણ મીકૂ સાથે ચીટ કર્યું નથી અને હંમેશા તેને પ્રેમ કરું છું. તેના વિષે જ વિચાર કર્યા કરું છું. હવે હું એક પરણિત પુરૂષ છું.’