લગ્નજીવનમાં બબાલ, પતિ સામે જ ધરણા પર બેસી ગઈ કલેક્ટરની પત્ની

જમુઈના કલેક્ટરની પત્ની પરિવાર સહિત ધરણાં પર

બિહારના જમુઈ જિલ્લાના ડીએમ ધર્મેન્દ્ર કુમારનો પારિવારિક ઝઘડો આજકાલ ચર્ચામાં છે. પોતાના ડીએમ પતિના ઘરમાં એન્ટ્રી ન મળવાને કારણે વત્સલા સિંહ પરિવાર સહિત બુધવારે ડીએમ આવાસ પર આવી પહોંચી અને ત્યાં ધરણાં પર બેસી ગઈ. મીડિયા રિપોર્ટ્સ અનુસાર આ દરમિયાન તેમણે બળજબરી ઘરમાં ઘૂસવાનો પ્રયત્નો કર્યો જ્યારબાદ ગાર્ડ્સે તેમને કોઈ રીતે રોક્યા.
અમારા ન્યૂઝ Whatsapp પર મેળવવા માટે અહી ક્લિક કરો

ગાર્ડ્સે રોક્યાં, રસ્તા પર બેસી ગયા પત્ની-સાસુ

26 વર્ષના વત્સલા સિંહ અને તેમની માતા પુષ્પા સિંહ (52) પટનાથી સવારે 8 વાગ્યે જમુઈ પહોંચ્યા હતા. વત્સલાએ આરોપ લગાવ્યો કે, ‘મારા પતિના ઘરે તેમના સુરક્ષા ગાર્ડ્સે અમને અંદર જવા ન દીધા અને દરવાજા પર જ રોકી દીધા.’ ત્યારબાદ સાંજ સુધી બંને અખબાર બિછાવી ડીએમના ઘરની બહાર બેસી રહી.

કંઈ જણાવ્યા વિના જ છૂટાછેડાની અરજી કરી

વત્સલાએ જણાવ્યું, ‘કંઈ જણાવ્યા વિના અને ચર્ચા કર્યા વિના મારા પતિએ માર્ચમાં પટના ફેમિલી કોર્ટમાં અમારા છૂટાછેડાની અરજી કરી દીધી. મેં તેમની સાથે વાત કરવાનો પ્રયત્ન કર્યો પણ દર વખતે નિષ્ફળ રહી.’ ઉલ્લેખનીય છે કે, ડીએમ ધર્મેન્દ્ર કુમારની ઉપર તેમની પત્ની અગાઉ પણ ઘણા આરોપ લગાવી ચૂકી છે અને મામલો મહિલા આયોગ પાસે પણ જઈ ચૂક્યો છે.

કલેક્ટરે રજૂ કર્યો પોતાનો પક્ષ

ધર્મેન્દ્ર કુમારે વ્હોટ્સએપ મેસેજ દ્વારા પોતાનો પક્ષ મુકતા કહ્યું કે, ‘કેસ કોર્ટમાં છે અને તેના પર સુનવણી થઈ રહી છે. તેમણે એપ્રિલમાં મારા પર ત્રાસ ગુજારતો હોવાના આરોપ લગાવ્યા હતા, જે બાદમાં ખોટું સાબિત થયું હતું. હું આ પ્રકરણમાં કોર્ટનો આદેશ જ માનીશ.’ છૂટાછેડાની અરજી 7 માર્ચે ફાઈલ કરવામાં આવી હતી.