આ માટે આખી દુનિયામાં પ્રખ્યાત છે કચ્છ, ત્યાં ફરવા જાવ તો આટલું મિસ ન જ કરતા

કચ્છઃ

ગુજરાતમાં રહીને તેની સંસ્કૃતિ વિષે તો જાણ હોવી જ જોઈએ ને? તમે જ્યાં સુધી કચ્છની મુલાકાત નથી લીધી ત્યાં સુધી તમને ગુજરાતની ખરી ફ્લેવરનો ખ્યાલ નહિ આવે. અહીં લોકો તમને રંગબેરંગી કપડામાં જોવા મળશે, તેમની રિક્ષા કે છકડા પણ વિવિધ રંગોથી ચીતરાયલા હશે. કચ્છના ગામમાં દરેક દિવસ તહેવાર જેવો છે. આ ફોટોઝ જોઈને તમને પણ કચ્છમાં લટાર મારવાનું મન થઈ જશે.
અમારા ન્યુઝ WhatsApp પર મેળવવા અહીં ક્લિક કરો

જુગાડ:

કચ્છમાં તમને આવા મોટા વાહનમાં સવારી લઈ જતા માણસો બધે જ જોવા મળશે. આ છકડામાં માલ સામાન સાથે 25 માણસો આવી જાય છે. કચ્છમાં ટ્રાવેલ કરવુ મુશ્કેલ છે એટલે સ્થાનિકોએ એક ફેરામાં વધુ લોકો લઈ જવાય તેવી વ્યવસ્થા ગોઠવી કાઢી છે. આ દરમિયાન તમે છકડા પરના રંગબેરંગી ચિત્રોને અવગણી નહિ શકો.
આ પણ વાંચોઃ રણોત્સવમાં ટેન્ટના બદલે અહીં રોકાશો તો ઘણાબધા રુપિયા બચી જશે

કચ્છની આ છે ખાસિયત

કચ્છમાં રહેતા લોકો ચિત્રકામમાં માહેર હોય છે અને માટીથી બનાવેલી પોતાની ઝૂંપડીને પણ તે રંગબેરંગી ચિત્રોથી સજાવે છે. તેમાં તમને લાલ, પીળા, બ્લુ જેવા વાઈબ્રન્ટ કલર્સ જોવા મળશે જે તેના રણની સૂકીભઠ જમીનથી સાવ જુદા જ તરી આવે છે.

કોતરણીવાળા દરવાજા

આ માંડવીમાં આવેલા એક જૈન મંદિરનો ફોટો છે. આવા છિદ્રોવાળા દરવાજામાંથી પ્રકાશ સુંદર રીતે ચળાઈને આવે છે. તેનું સૌંદર્ય જોનારા જોતા જ રહે છે.

વિન્ટેજ જ્વેલરી

કચ્છના લોકોને કોડી અને ચાંદીમાંથી બનેલા ઘરેણા ઘણા આકર્ષે છે. તે લોકો સોના કરતા ચાંદીને વધારે કિંમતી માને છે. કચ્છની મુલાકાત લેતા યાત્રીઓ પણ કચ્છની ફેમસ મણકા વાળી જ્વેલરી ખરીદે છે.

ઝાડુ બનાવવાની કળાઃ

હસ્તકળા એ કચ્છના લોકો માટે ગુજરાન મેળવવાનું સૌથી મોટુ સાધન છે. અહીં ઝાડુ બનાવવાનો હસ્ત ઉદ્યોગ પણ ફૂલ્યો ફાલ્યો છે.

આવો હોય છે દેખાવઃ

આ ફોટામાં તમે કચ્છની એક વૃદ્ધ સ્ત્રીને જોઈ શકો છો. તેમણએ કચ્છનો પરંપરાગત ડ્રેસ પહેર્યો છે. કચ્છની સ્ત્રીઓમાં નાકમાં મોટી નથણી અને ઘણીબધી બંગડીઓ પહેરવાનો રિવાજ છે.

સફેદ રણઃ

કચ્છનું રણ તેની સફેદી માટે જાણીતુ છે. ચોખ્ખા આકાશ નીચે દૂર દૂર સુધી ફેલાયેલા સફેદ રણની સુંદરતા બેજોડ છે. અહીં ખાવા માટે મીઠુ પણ પકવવામાં આવે છે.

રાત્રે રણનો નજારોઃ

કચ્છના રણમાં દર વર્ષે રણોત્સવ યોજાય છે. આ ફેસ્ટિવલ દર વર્ષે નવેમ્બર મહિનાથી શરૂ થાય છે. રણોત્સવમાં રાતનો નજારો કંઈક આવો હોય છે.