દારૂની હેરાફેરી માટે નવી ટ્રિક
અમદાવાદઃ ગુજરાતમાં દારૂબંધીના નામે સૌથી વધુ દારૂ વેચાય છે. દરરોજ દારૂની હેરાફેરીના નીતનવા કિસ્સાઓ સામે આવતા હોય છે. ત્યારે આવા જ બે બુટલેગરોએ દારૂ વેચવા માટે જોરદાર ટ્રિક અપનાવી છે. બુટલેગરે ગેસ સિલિન્ડરની અંદર વિદેશી દારૂની બોટલ છુપાવીને વેચાણ કરતો હતો પોલીસે બંનેની ધરપકડ કરી.
અમારા ન્યૂઝ Whatsapp પર મેળવવા અહીં ક્લિક કરો
પોલીસે બે આરોપીની ધરપકડ કરી
મળી રહેલી વિગતો મુજબ વસ્ત્રાલ ભગવતીનગર ગોપી ડેરી પાસે 46 વર્ષીય જગદીશ પટેલ અને વસ્ત્રાલ સુરભી પાર્કમાં રહેતા તેમના સાથી 22 વર્ષીય ભાવેશ પંચાલની પોલીસે દારૂના કેસમાં શનિવારે રાત્રે ધરપકડ કરી હતી.
ગેસ સિલિન્ડરમાં દારૂ
પોલીસને બાતમીને આધારે જ્યારે જગદીશ પટેલના ઘરે રેડ પાડી. શરૂઆતમાં પોલીસને કઈ જડ્યું નથી.આ દરમિયાન ઘરમાં ગેસ લાઈન હોવા છતા ગેસના સિલિન્ડર પડ્યા હતા. પોલીસે તેની તપાસ કરી તો ગેસ સિલિન્ડરનું તળિયું કાપીને તેની અંદર વિદેશી દારૂની બોટલો સંતાડવામાં આવી હતી.
આઈડિયા જોઈને પોલીસ પણ ચોંકી ગઈ
આરોપીનો આવો આઈડિયા જોઈને પોલીસ પણ ચકરાવે ચડી ગઈ હતી. પોલીસે બંને આરોપીની ધરપકડ કરી હતી. જેમાંથી એક એન્જિનિયર છે અને છેલ્લા ચાર મહિનાથી તેની પાસે કોઈ નોકરી-કામ નહોતું મળતું એટલા માટે દારૂનો ધંધો શરૂ કર્યું હોવાનું કહી રહ્યો છે.
No comments:
New comments are not allowed.