બાબર આઝમે તોડ્યો વિરાટ કોહલીનો આ વર્લ્ડ રેકોર્ડ

બાબરે બનાવ્યા સૌથી ઝડપી 1 હજાર ટી20 રન

પાકિસ્તાન શાનદાર બેટ્સમેન બાબર આઝમે સનિવાર ન્યૂઝીલેન્ડ સામેની ત્રીજી ટી20 મેચ દરમિયાન એક વર્લ્ડ રેકોર્ડ બનાવી લીધો. બાબરે ભારતીય કેપ્ટન વિરાટ કોહલીનો વર્લ્ડ રેકોર્ડ તોડતા ટી20 ઈન્ટરનેશનલમાં સૌથી ઝડપી 1 હજાર રન પૂરા કરવાની સિદ્ધિ મેળવી.

કોહલી કરતા એક ઈનિંગ ઓછી રમ્યો

બાબરે આ મેચમાં 58 બોલમાં 79 અને આ દરમિયાન 1 હજાર પૂરા કરી લીધા. તેણે 26 મેચોની 26 ઈનિંગ્સમાં આ ઉપલબ્ધિ મેળવી. તે બેટિંગ કરવા ઉતર્યો ત્યારે તેને આ રેકોર્ડ માટે 48 રનની જરૂર હતી. જણાવી દઈએ કે, અગાઉ કોહલીએ 2 ઑક્ટોબર 2015માં દક્ષિણ આફ્રિકા વિરુદ્ધ પોતાની 27મી ઈનિંગમાં 1 હજાર રન પૂરા કર્યા હતા.

ટી20માં ફાસ્ટેસ્ટ હજાર બનાવનારા બેટ્સમેનો

બાબર આઝમ પહેલા આ રેકોર્ડ વિરાટ કોહલીના નામે હતો જેણે 27 ઈનિંગ્સમાં 1 હજાર ટી20 રન બનાવ્યા હતા. આ યાદીમાં ઓસ્ટ્રેલિયાના એરોન ફિંચ (29 ઈનિંગ્સ), કેવિન પીટરસન (32 ઈનિંગ્સ), એલેક્સ હેલ્સ (32 ઈનિંગ્સ), ફાફ જુ પ્લેસિસ (32 ઈનિંગ્સ)ના નામ પણ શામેલ છે.

પાકે ન્યૂઝીલેન્ડને 47 રને હરાવ્યું

બાબર આઝમની આ શાનદાર ઈનિંગના સહારે પાકિસ્તાનને ત્રીજી ટી20 47 રને હરાવી સીરીઝ 3-0થી પોતાના નામે કરી લીધી. પાકિસ્તાને પ્રથમ બેટિંગ કરતા 3 વિકેટ ગુમાવી 166 રન બનાવ્યા. બાદમાં પાકિસ્તાન તરફથી શાદાબ ખાને 3 અને ઈમાદ વસીમે 2 વિકેટ ઝડપી ન્યૂઝીલેન્ડની આખી ટીમને 16.5 ઓવરમાં માત્ર 119 રને ઓલઆઉટ કરી દીધી હતી.

સતત બીજી વખત વિરોધી ટીમને ક્લિન સ્વીપ કરી

કિવી ટીમે પોતાની છેલ્લી આઠ વિકેટો માત્ર 23 રનમાં ગુમાવી દીધી. ટીમના કેપ્ટન કેન વિલિયમ્સને 38 બોલમાં 60 રનની શાનદાર ઈનિંગ રમી પણ તે ટીમને વિજય અપાવી શક્યો નહી. ઉલ્લેખનીય છે કે, અગાઉ પાકિસ્તાને ઑસ્ટ્રેલિયાને પણ 3-0થી ક્લિન સ્વીપ કર્યું હતું. આમ, તેણે સતત બે ટી20 સીરીઝમાં વિરોધી ટીમનો વ્હાઈટવૉશ કરવાની કરવાની સિદ્ધિ મેળવી છે.