વિદેશમાં ભારતીય ટીમના પ્રદર્શન અંગે સવાલનો શાસ્ત્રીએ આપ્યો આ જવાબ

શાસ્ત્રીએ આપ્યો આ જવાબ

બ્રિસબેનઃ ભારતીય ટીમનો વિદેશની ધરતી પર રેકોર્ડ સારો રહ્યો નથી. વિદેશમાં તેમના પ્રદર્શનની સતત ટીકા થતી રહી છે. ભારતીય ટીમના વિદેશમાં પ્રદર્શનને લઈને સવાલ ઉઠાવનારાઓને કોચ રવિ શાસ્ત્રીએ જવાબ આપ્યો છે. શાસ્ત્રીએ કહ્યું હતું કે, મોટા ભાગની ક્રિકેટ ટીમ બીજાના દેશમાં પર્ફોમન્સમાં સારી રહી નથી ત્યારે એક ટીમને લઈને નિશાન ન બનાવવું જોઈએ. ભારતે હાલમાં દક્ષિણ આફ્રિકા (1-2) અને ઈગ્લેન્ડ (1-4)થી વિદેશની ધરતી પર હારનો સમાનો કરવો પડ્યો હતો.
અમારા ન્યૂઝ Whatsapp પર મેળવવા માટે અહીં ક્લિક કરો

વિરાટની ટીમ પાસે હતી આ તક

આ એ સમય હતો જ્યારે વિરાટની ટીમ પાસે વિદેશની ધરતી પર રેકોર્ડ સુધારવાની તક હતી. ઓસ્ટ્રેલિયા સામેની જીતનું મહત્ત્વ શું છે એ અંગે શાસ્ત્રીએ કહ્યું કે, તમારે તમારી ભૂલમાંથી જ શીખવાનું હોય છે. જ્યારે કોઈ ટીમ વિદેશના પ્રવાસે જાય છે ત્યારે અને વિદેશ પ્રવાસ કરનારી ટીમને ધ્યાને લેશો તો ખૂબ ઓછી એવી ટીમ છે જે વિદેશની ધરતી પર સફળ થઈ છે. મોટા ભાગની ટીમનો રેકોર્ડ સારો રહ્યો નથી. ઓસ્ટ્રેલિયાએ વર્ષ 1990ના દાયકામાં અને પછીના કેટલાક સમયમાં પણ આવું જ કર્યું હતું. દક્ષિણ આફ્રિકા થોડી સફળ રહી છે. આ બંને ટીમ સિવાય છેલ્લા પાંચ-છ વર્ષમાં કઈ ટીમે વિદેશી ધરતી પર સારું પર્ફોમ કર્યું છે? તો પછી ભારતનું નામ કેમ લેવામાં આવે છે?

નબળી નથી ઓસીની ટીમ

શાસ્ત્રી એ માનવા તૈયાર નથી કે, ઓસ્ટ્રેલિયાના પર્ફોમન્સમાં કોઈ ફેર પડ્યો છે. શાસ્ત્રીએ કહ્યું કે, મને એવું નથી લાગતું કે, જ્યારે તમારા દેશમાં કોઈ રમતનું એક કલ્ચર બની જાય પછી તે કાયમ રહે. આવું હંમેશા રહેતું નથી. હું હમેશા એવું માનું છું કે, હોમ ગ્રાઉન્ડ પર કોઈ ટીમ નબળી નથી હોતી. એટલે ઓસ્ટ્રેલિયાની ટીમને નબળી ન માની શકાય. જ્યારે કોઈ વિદેશી ટીમ ભારત આવે છે ત્યારે આપણા ત્રણ-ચાર ખેલાડી ન રમતા હોય છતાં ભારતની ટીમને નબળી કહેવામાં મને વાંધો છે.

અમે કોઈ ટીમને નબળી નથી માનતા

શાસ્ત્રીએ કહ્યું કે, અમે કોઈ ટીમને નબળી નથી માનતા, અમે મેદાન પર પોતાનું સર્વશ્રેષ્ઠ પ્રદર્શન કરવા માગીએ છીએ. અમે મેદાનની બહાર થતી વાત કરતા મેદાન પર થતી વાત પર વધુ ધ્યાન આપવું જોઈએ. શાસ્ત્રીએ આશા વ્યક્ત કરી હતી કે, ભારતીય બોલરો ઓસ્ટ્રેલિયાની પીચ પર સારો દેખાવ કરશે. મને એવું લાગે છે કે, ફાસ્ટ બોલરોને ઓસ્ટ્રેલિયાની પીચ પર બોલિંગ કરવી ગમશે. જો ભૂતકાળમાં હતી એવી કોઈ પીચ હશે તો તેનો ફાયદો ઉઠાવવામાં ભારતીય ટીમ તક ઝડપી લેશે.