આવી છે ચીનની શાનદાર અંડરગ્રાઉન્ડ હોટલ, તસવીરો જોઈ રહી જશો દંગ

પહેલી અંડરગ્રાઉન્ડ હોટેલ

ચીને આધુનીક ટેક્નીક અને આર્કિટેક્ચરનો એક ઉત્તમ નમુનો રજૂ કર્યો છે. અહીં દુનિયાની પહેલી અંડરગ્રાઉન્ડ હોટેલ બની છે. જે પહેલી ડિસેમ્બરથી લોકો માટે ખુલ્લી મુકાશે. આ હોટેલની એક ખાસિયત છે કે 16 ફ્લોર જમીનની નીચે એટલે કે અંડરગ્રાઉન્ડ છે જ્યારે 2 ફ્લોર જમીનની ઉપર પણ બન્યાં છે.
અમારા ન્યૂઝ Whatsapp પર મેળવવા અહીં ક્લિક કરો

આટલું છે ભાડું

એક રિપોર્ટ અનુસાર આ હોટેલમાં રોકાવા પર તમને ધરતીના ગર્ભમાં હોવાનો અનુભવ થશે. આ હોટેલ 1 ડિસેમ્બરથી શરુ થશે. જેના માટે બુકિંગ પહેલા અઠવાડિયાથી જ શરુ થઈ જશે. એક રાત રોકાવાનું ભાડું 35 હજાર રુપિયા હોય શકે છે. હોટલના 16 ફ્લોર જમીનની અંદર છે. જ્યારે જમીન ઉપર તેના માત્ર બે જ ફ્લોર હશે. આ હોટેલમાં કુલ 336 ગેસ્ટ રુમ છે.

ચીનનું ઉત્તમ આર્કિટેક્ચર

આ હોટેલની ડિઝાઈન એવી રીતે કરવામાં આવી છે. જેથી તમને રુમમાંથી ઝરણું પડતું હોય તેવું લાગે છે. આ હોટેલના બે ફ્લોર 10 મીટર ઊંડા એક એક્વેરિયમથી ઘેરાયેલાં છે. આ હોટેલને ચીનનો ઉત્તમ આર્કિટેક્ચર નમુનો કહેવામાં આવે છે.

સોંગજિયાંગથી 30Km દુર

આ ફાઈવ સ્ટાર હોટેલનું નામ Intercontinental Shanghai Wonderland છે. જે સોંગજિયાંગ સ્થિત સ્થાનીક હોંગકિયાઓ એરપોર્ટથી માત્ર 30 કિલોમીટર દૂર આવેલું છે.

જોવા મળશે પ્રાકૃતિક સૌંદર્ય

આ હોટેલમાં પ્રકૃતિના સૌંદર્ય સાથે બંજી જમ્પિંગ અને રોક ક્લાઈમ્બિંગ જેવી ગતિવિધિઓનો આનંદ પણ માણી શકશો.