Wow અંતરીક્ષમાંથી પણ સ્પષ્ટ દેખાય છે સરદારની પ્રતિમા સ્ટેચ્યુ ઓફ યુનિટી

આ તસવીર દર્શાવે છે કે સરદાર ખરેખર વિરાટ છે

સરદાર પટેલ ખરા અર્થમાં ભારતના વિરાટ પુરુષ હતા અને રહેશે જો આ વાક્યને કંઈ સાર્થક કરતું હોય તો તે છે સ્ટેચ્યુ ઓફ યુનિટીની આ તસવીર જે સાનફ્રાન્સિસ્કો સ્થિત પ્લેનેટ લેબ દ્વારા ટ્વિટ કરવામાં આવી છે. કોમર્શિયલ સેટેલાઈટ નેટવર્ક મારફતે મળેલી સ્ટેચ્યુ ઓફ યુનિટીની આ તસવીરમાં અંતરિક્ષમાંથી પણ સરદારની પ્રતિમા સ્પષ્ટપણે જોઈ શકાય છે. 15 નવેમ્બરે આ ફોટો સેટેલાઈટ નેટવર્ક દ્વારા ખેંચવામાં આવ્યો હતો. ત્યારે સ્ટેચ્યુ ઓફ યુનિટી અંતરિક્ષમાંથી આ રીતે દેખાતું હતું.

વિશ્વની સૌથી ઉંચી પ્રતિમા છે સ્ટેચ્યુ ઓફ યુનિટી

ઉલ્લેખનીય છે કે વડાપ્રધાન નરેન્દ્ર મોદીએ 31મી ઓક્ટોબર, 2018ના રોજ દેશના પ્રથમ ગૃહમંત્રી સરદાર વલ્લભભાઈ પટેલના સન્માનમાં બનાવવામાં આવેલી વિશ્વની સૌથી ઊંચી પ્રતિમા સ્ટેચ્યૂ ઑફ યુનિટીનું અનાવરણ કર્યું હતુ. @planetlabs સ્ટેચ્યૂ ઓફ યુનિટીની પ્રતિમા સ્પેસમાંથી કેવી દેખાય છે તેની તસવીર તેમના ટ્વિટર પર શેર કરી છે.

15 નવેમ્બરના રોજ ખેંચી હતી આ તસવીર

At 597 feet, India’s Statue of Unity is now the tallest statue in the world and clearly seen from space! Oblique SkySat image captured today, November 15, 2018. pic.twitter.com/FkpVoHJKjw

— Planet (@planetlabs) November 15, 2018

@planetlabs એ 15 નવેમ્બરના રોજ 597 ફૂટની ઊંચાઇએથી વિશ્વની સૌથી ઊંચી પ્રતિમાની સ્કાયસેટ ઇમેજ લીધી હતી. @planetlabsએ સેટેલાઇટ નેટવર્ક છે. જે વિશ્વની સુંદર અને અજાયબ જગ્યાઓની સ્કાયસેટ ઇમેજ લે છે.

અબજો રુપિયાના ખર્ચે બની છે આ પ્રતિમા

સરદાર વલ્લભભાઈ પટેલની આ મુર્તી બનાવવા પાછળ લગભગ 2990 કરોડ રૂપિયા ખર્ચ કરવામાં આવ્યા. 182 મીટર ઊંચી આ મુર્તીમાં 1,40,000 ક્યુબેક મીટર સીમેન્ટનો ઉપયોગ કરવામાં આવ્યો છે. આ સિવાય 2000 ટન કૉપર તેમજ 18500 ટન રૉડ્સનો ઉપયોગ કરવામાં આવ્યો હતો. લગભગ 3000 મજૂરોએ 33 મહિનામાં આ પ્રતિમા બનાવી હતી.