પ્લેનનું એન્જિન કેટલા સીસીનું હોય? તમને ક્યારેય થયો છે આ સવાલ?

સૌથી શક્તિશાળી એન્જિન

કાર હોય કે બાઈક, કે પછી મોપેડ.. આપણે હંમેશા એન્જિનની ક્ષમતા તે કેટલા સીસીનું છે તેના આધારે માપતા હોઈએ છીએ. જેમ એન્જિનના સીસી વધારે, તેમ તેનો પાવર તેમજ પીકઅપ પણ પાવરફુલ. જોકે, સૌથી શક્તિશાળી એન્જિનો જેમાં યુઝ થાય છે તેવા મહાકાય વિમાનોને ઉડાવી શકે તેવા એન્જિનોની કેપેસિટી કેટલી હશે?

અમારા ન્યૂઝ Whatsapp પર મેળવવા માટે ક્લિક કરો

સીસી એટલે શું?

આપને ઘણીવાર આવો સવાલ થયો હશે કે પ્લેનના એન્જિન કેટલા સીસીના આવતા હશે, કે પછી તે કેટલું માઈલેજ આપતા હશે. તે જાણતા પહેલા એટલું જાણી લો કે CC એટલે શું? સીસી એ પિસ્ટન સિલિન્ડર એન્જિનની ક્ષમતા માપવા માટે વપરાય છે, જેનું આખું નામ છે સેન્ટિમિટર ક્યુબ.

27,000 સીસીનું એન્જિન!!

પિસ્ટન કેટલી સ્પેસમાં મૂવ થાય છે તેના આધારે એન્જિનના સીસી નક્કી થાય છે, પિસ્ટનની મૂવ થવાની સ્પેસ જેટલી વધુ, તેટલા એન્જિનના સીસી વધુ, અને તે પ્રમાણે તેનો પાવર પણ. વિશ્વ યુદ્ધના ગાળામાં જે પ્લેન વપરાતા હતા તે પિસ્ટનવાળા એન્જિન પર ચાલતા હતા. આવા પ્લેન સિંગલ સીટર હતા, અને તેમની ક્ષમતા પણ ખાસ નહોતી. તેમાં જે એન્જિન ફીટ થતાં તે 27,000 સીસીના રહેતા.

હવે ક્યાં વપરાય છે પિસ્ટન બેઝ્ડ એન્જિન?

ટેક્નોલોજી જેમ વિકસતી ગઈ તેમ જેટ વિમાનોમાં વપતારા પિસ્ટન બેઝ્ડ એન્જિન પણ ભૂતકાળ થઈ ગયા. આજના સમયમાં હવામાં સ્ટંટ કરતા કેટલાક જુના જમાનાના વિમાનોમાં જ હવે આવા એન્જિનનો ઉપયોગ થાય છે, જેનો અવાજ પણ તમને બીજા પ્લેન કરતા એકદમ અલગ જ લાગશે.

પ્લેનના એન્જિનમાં સીસી કેમ નહીં?

હવે પેસેન્જર પ્લેન હોય કે પછી મિલિટરી પ્લેન, તમામ વિમાનોમાં કોમ્પ્રેસર ટર્બાઈન બેઝ્ડ એન્જિનનો જ ઉપયોગ થાય છે. આવા એન્જિનની ક્ષમતા સીસીમાં નથી મપાતી. વળી, પ્લેનની સાઈઝ, તે કેટલી ઉંચાઈ પર ઉડશે, કેટલા ડિસ્ટન્સ વચ્ચે તેને ઉડાન ભરવાની છે તેના આધારે અલગ-અલગ પ્રકારના એન્જિન વિમાનમાં યુઝ થાય છે.

ફ્લાઈટ સાઈકલ એટલે શું?

પ્લેનનું એન્જિન કેટલું યુઝ થયું છે તે તેના ફ્લાઈટ અવર્સ અને ફ્લાઈટ સાઈકલના આધારે નક્કી થાય છે. એક સાઈકલ મતલબ 1 ટેક ઓફ અને 1 લેન્ડિંગ.. જ્યારે ફ્લાઈટ અવર્સ મતલબ પ્લેન કેટલા કલાક ઉડ્યું. ઉદાહરણ તરીકે કોઈ પ્લેનને અમદાવાદથી દિલ્હી જવામાં 1.15 કલાકનો સમય લાગ્યો તો તેણે આ ટ્રીપમાં 1 સાઈકલ અને 1.15 ફ્લાઈંગ અવર પૂરા કર્યા કહેવાય.

પ્લેનના એન્જિનની સર્વિસ ક્યારે કરવાની થાય?

આપણે બાઈકની સર્વિસ દર બે હજારથી 2500 કિમીમાં કરાવતા હોઈએ છીએ, કાર દર દસ હજાર કિલોમીટરે સર્વિસ માગે છે. પરંતુ પ્લેન તો એક જ દિવસમાં હજારો કિલોમીટર ઉડી જતું હોય છે, તો તેના એન્જિનને શું રોજેરોજ સર્વિસ કરવું પડે? જવાબ છે ના.. દરેક ઉડાન પહેલા તેનું રુટિન ચેકઅપ થાય છે, પરંતુ તેની સર્વિસ એન્જિનની કેપેસિટી અનુસાર ફ્લાઈંગ અવર્સ અને ફ્લાઈંગ સાઈકલ અનુસાર નક્કી હોય છે. તે મુજબ જેટ એન્જિનની માઈનોર અને મેજર સર્વિસ થાય છે.

એન્જિનની સર્વિસમાં કેટલો સમય લાગે?

જે પ્લેનનું એન્જિન મેજર સર્વિસિંગ માટે આપવાનું થાય તેને પ્લેનથી જ છૂટું પાડી દેવામાં આવે છે. તેને કંપનીના વર્કશોપમાં મોકલવામાં આવે છે. આવા એન્જિનને ટેકનિકલ ભાષામાં ડર્ટી એન્જિન તરીકે ઓળખવામાં આવે છે. વર્કશોપમાં તેના પર 50 થી 60 દિવસ સુધી કામ ચાલે છે, અને પછી આ એન્જિન એકદમ નવા જેવું જ થઈ જાય છે.

પ્લેનના એન્જિનની કિંમત કેટલી?

તમને સામાન્ય દિવસોમાં માંડ 2000 કે 2500માં અમદાવાદથી મુંબઈ લઈ જતા વિમાનની કિંમત 700 કરોડ રુપિયાથી તો શરુ જ થતી હોય છે. તેના એક એન્જિનની કિંમત 100 કરોડ રુપિયાની આસપાસથી શરુ થતી હોય છે. ડોમેસ્ટિક ફ્લાઈટ્સમાં મોટાભાગે એક પ્લેનમાં આવા બે એન્જિન, જ્યારે લાંબા રુટની ઈન્ટરનેશનલ ફ્લાઈટમાં 4 એન્જિન લાગેલા હોય છે.

કઈ કંપનીના એન્જિન ફેમસ?

બોઈંગ તેમજ એરબસ જેવી વિશ્વની વિખ્યાત એરોપ્લેન મેકર કંપનીઓના એરક્રાફ્ટમાં મોટાભાગે રોલ્સ રોયસના એન્જિન લાગેલા હોય છે. પોતાની કાર માટે જગતભરમાં વિખ્યાત રોલ્સ રોયસ પ્લેનના એન્જિન બનાવવામાં પણ એટલી જ માસ્ટરી ધરાવે છે. વર્લ્ડવોર વખતે પણ ફાઈટર પ્લેનમાં રોલ્સ રોયસના એન્જિન વપરાતા.

from Lifestyle Tips in Gujarati, જીવનશૈલી ટીપ્સ, Daily Lifestyle Tips – Page Array – I Am Gujarat https://ift.tt/2Q20xDw