આ મીઠાઈઓ માટે ફેમસ છે દિલ્હી, ત્યાં ફરવા જાવ તો આ મિસ ન કરતા

મીઠાઈ માટે ફેમસ છે દિલ્હીઃ

દિલ્હીની ચાટ અંગે તમે ઘણું સાંભળ્યું હશે પરંતુ શું તમે જાણો છો કે દિલ્હી મીઠાઈઓ માટે પણ પ્રખ્યાત છે? અહીં તમને સ્ટ્ફ્ડ કુલ્ફી થી માંડીને દૌલત કી ચાટ સુધીની જાત જાતની મીઠાઈઓ ખાવા મળશે. હવે તમારે દિલ્હી ફરવા જવાનું થાય તો આ મીઠાઈ ખાવાનું મિસ ન કરતા.

ગોળનો સંદેશ (ગુર સંદેશ):

દિલ્હીના ચિત્તરંજન પાર્કમાં ફ્રેશ ગોળમાંથી બનતો સંદેશ ખૂબ જ પ્રખ્યાત છે. આ સંદેશ ખાઈને બંગાળીઓ પણ ખુશ થઈ જાય છે. એક વાર આ મીઠાઈ જરૂર ચાખવા જેવી છે.
ભાવઃ 700 રૂપિયા કિલો

શાહી ટુકડા અને મેન્ગો આઈસ્ક્રીમઃ

ઉનાળામાં રાજધાનીની મુલાકાત લેવાનું થાય તો આ ક્રીમી અને પલ્પી મેન્ગો આઈસ્ક્રીમની ટ્રીટ મિસ કરવા જેવી નથી. તમને સ્વીટનો ડબલ ડોઝ પસંદ કર્યો હોય તો તમે શાહી ટુકડા પણ ઓર્ડર કરી શકો છો જેમાં ઉપર ડ્રાયફ્રૂટ્સનું લેયર આવેલુ હોય છે.
ભાવઃ 40 રૂપિયા

મેંગો ગોલ ગપ્પાઃ

પાણી પૂરી પર મેંગો પ્યુરી અને કેરીના ટુકડાનું ટોપિંગ કરવામાં આવે છે. તમે આટલુ સુપર્બ કોમ્બિનેશન બીજે ક્યાંય નહિ ચાખ્યુ હોય.
ભાવઃ 235 રૂપિયાથી શરૂ

કુરચનઃ

દૂધમાંથી બનતા આ ડેઝર્ટની ઉપર બૂરુ ખાંડ નાંખવામાં આવે છે. હઝારી લાલ કુરચન વાલે આ મીઠાઈ પાંચ દશકાથી વેચી રહ્યા છે.
ભાવઃ 40 રૂપિયા પ્રતિ પ્લેટ

કુલ્ફી ફાલૂદાઃ

એક વાર આ ફાલુદા ચાખી લેશો તો તમે અત્યાર સુધી જેટલા ફાલુદા ખાધા છે તેને ભૂલી જશો.
ભાવઃ 80 રૂપિયા

કરાંચી હલવોઃ

આ સ્વીટ કોર્ન ફ્લોર, ખાંડ, ઘી અને પાણીમાંથી બને છે. આ મીઠાઈની સુગંધ જ ગ્રાહકોને ચાંદની ચોક ખેંચી લાવે છે. છૈના રામ છેલ્લા 100 વર્ષથી આ મીઠાઈ વેચે છે.
ભાવઃ 580 રૂપિયા પ્રતિ કિલો

સ્ટફ્ડ કુલ્ફીઃ

તમને જે કુલ્ફી ભાવતી હોય તેને આ લોકો ક્રીમી સ્ટફ્ડ કુલ્ફીના સ્વરૂપમાં પીરસી શકે છે. અહીંની શરબત કુલ્ફી વખણાય છે અને તેના પર ટેસ્ટી મસાલો છાંટવામાં આવે છે. કુરેમલ કુલ્ફી વાલા પાસે કેરી, ચીકુ, સફરજન, દાડમ, સંતરા જેવી ફ્લેવર્સ ઉપલબ્ધ છે.
ભાવઃ રૂ. 60થી 200

કાળી જલેબીઃ

દિલ્હીની કાળી જલેબી એટલે કે માવા જલેબી ખાસ્સી પ્રખ્યાત છે. સુલતાન જી સ્વીટ્સ નામની આ દુકાન મધ્ય પ્રદેશમાં પોપ્યુલર દુકાનની ચેઈન છે. અહીંની કાળી જલેબી કે માવા જલેબી ખાવા દૂર દૂરથી લોકો આવે છે.
ભાવઃ 30 રૂપિયા પ્રતિ 100 ગ્રામ

સફેદ ગાજરનો હલવોઃ

દૂધ ભવનમાં ખાલી શિયાળામાં આ ખાસ વાનગી મળે છે. કાશ્મીરથી મંગાવાયેલા ખાસ સફેદ ગાજરમાંથી આ હલવો બનાવાય છે. તેમાં ભરપૂર ડ્રાયફ્રૂટ્સ પણ નાંખવામાં આવે છે.
ભાવઃ 400 રૂપિયા કિલો

દૌલત કી ચાટઃ

આ મલાઈની મીઠાઈ માત્ર ડિસેમ્બરથી ફેબ્રુઆરી સુધી શિયાળાના મહિનાઓમાં જ ખાવા મળે છે.
કિંમતઃ 30 રૂપિયા પ્રતિ પ્લેટ