‘સચિનનો આ રેકોર્ડ નહીં તોડી શકે વિરાટ કોહલી’

કોહલીના રેકોર્ડ્સ વિશે સેહવાગે આપી પ્રતિક્રિયા

ભારતીય ક્રિકેટ ટીમના પૂર્વ ઓપનર બેટ્સમેન વિરેન્દ્ર સેહવાગે હાલના ભારતીય ટીમના કેપ્ટન વિરાટ કોહલી માટે એક મોટું નિવેદન આપ્યું છે. વિરાટ કોહલી આ સમયે એકથી એક રેકોર્ડ પોતાના નામે કરી રહ્યો છે જેને લઈને સેહવાગે તેના વિશે આ પ્રતિક્રિયા આપી છે.

સચિનનો આ રેકોર્ડ તોડવો કોહલી માટે મુશ્કેલ

સેહવાગે કહ્યું કે, વિરાટ કોહલી ઝડપથી ઘણા રેકોર્ડ્સ પોતાના નામે કરી રહ્યો છે, પરંતુ તે સચિનનો એક રેકોર્ડ નહીં તોડી શકે. વીરૂએ આગળ કહ્યું કે સચિન ટેંડુલકરે પોતાના ક્રિકેટ કરિયરમાં 200 ટેસ્ટ મેચો રમી હતી અને વિરાટ માટે આટલી ટેસ્ટ રમવાનું સરળ નહીં હોય.

રેકોર્ડ તોડવા કોહલીને 24 વર્ષ ક્રિકેટ રમવી પડશે

ટેસ્ટ ક્રિકેટમાં ભારત તરફથી બે ત્રેવડી સદી ફટકારનારા એકમાત્ર બેટ્સમેન સેહવાગે કહ્યું કે, વિરાટ કોહલી સચિનના બધા રેકોર્ડ્સ તોડી શકશે. પરંતુ 200 ટેસ્ટ મેચો રમવાનો રેકોર્ડ કદાચ નહીં તોડી શકે. કારણે તે આ માટે તેણે 24 વર્ષ સુધી ક્રિકેટ રમવી પડશે. વીરૂએ કહ્યું સચિનની તુલનામાં વિરાટને વધારે ખતરનાક બોલર્સનો સામનો નથી કરવો પડ્યો પરંતુ તે શ્રેષ્ઠ છે. સચિનથી વિરાટની તુલનાને સેહવાગે ખોટી બતાવા કહ્યું કે આ શક્ય નથી સાથે જ બંનેનો રમવાનો સમય અલગ-અલગ છે અને એવામાં તેમની તુલના કરવી યોગ્ય નથી.

પોતાના સમયનો શ્રેષ્ઠ બેટ્સમેન છે કોહલી

તમને જણાવી દઈએ કે જે સમયે સચિન રમતો હતો ત્યારે બ્રેટલી, શોએબ અખ્તર, શેન વોર્ન, મુથૈયા મુરલીધરન, સક્લેન મુસ્તાક, શોન પોલોક, વકાર યુનિસ, વસીમ અકરમ, ગ્લેન મેક્ગ્રા અને ચામિંડા વાસ જેવા બોલર્સ હતા. આ સમયે ક્રિકેટમાં બેટ્સમેનોનું વધારે પ્રભુત્વ છે. વીરૂએ કહ્યું કે તેમાં કોઈ શંકા નથી કે વિરાટ આ સમયનો શ્રેષ્ઠ બેટ્સમેન છે સાથે પોતાનું કરિયર ખતમ થાય ત્યાં સુધીમાં તે સર્વકાલિન મહાન બેટ્સમેનોમાં શામેલ થઈ જશે.

સચિને પણ કોહલી વિશે કહી હતી આવી વાત

સચિન ટેંડુલકર પોતે પણ એક સમયે કહ્યું હતું કે મારા રેકોર્ડ્સ કોઈ તોડી શકે છે તો તે વિરાટ કોહલી છે. આ ઉપરાંત વર્લ્ડ ક્રિકેટમાં સતત રન બનાવવાના મામલામાં અન્ય કોઈ બેટ્સમેન તેની આસ-પાસ નથી. આવનારા સમયમાં તેના ફોર્મને જોતા નવા રેકોર્ડ્સ જોવા મળી શકે છે.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat https://ift.tt/2QzYiob