છેલ્લી ટી20માં ભારતનો 6 વિકેટે વિજય, વિન્ડીઝનો 3-0 વ્હાઈટવૉશ

વિજય સાથે ભારતનો 3-0થી વિજય

ચેન્નઈના એમ એ ચિદમ્બરમ સ્ટેડિયમ ખાતે રમાયેલી ટી20 સીરીઝની છેલ્લી મેચમાં ભારતે વિન્ડીઝને સાત વિકેટે હરાવી શ્રેણી 3-0થી કબજે કરી લીધી છે. ભારતે 182 રનના ટાર્ગેટને ઓપનર શિખર ધવન (92) અને ઋષભ પંત (58)ની શાનદાર ઈનિંગ્સના સહારે છેલ્લા બોલે 4 વિકેટ ગુમાવી પાર કરી લીધો હતો. આની સાથે જ ભારતે પ્રવાસી વિન્ડિઝનો વ્હાઈટવૉશ કરી દીધો.

વિન્ડીઝે 3 વિકેટે 181 રન બનાવ્યા

અગાઉ વિન્ડીઝે ટૉસ જીતી પ્રથમ બેટિંગ કરવાનો નિર્ણય લીધો હતો. ઓપનર શાઈ હોપ (24) અને શિમરોન હેટમાયર(26)એ ટીમને શાનદાર શરૂઆત અપાવતા વિના વિકેટે 50 રન બનાવી લીધા હતા. જોકે. તેના તરત બાદ યુઝવેન્દ્ર ચહલે બંનેને આઉટ કરી દીધા હતા. વિકેટકીપર દીનેશ રામદીન (15) પણ સસ્તામાં આઉટ થઈ ગયો હતો. બાદમાં ડેરેન બ્રાવો (43) અને નિકોલસ પૂરન (53)ની વચ્ચે શાનદાર 87 રનની નોટઆઉટ ભાગીદારીની મદદથી વિન્ડીઝની ટીમે 20 ઓવરમાં 3 વિકેટ ગુમાવી 181 રનનો મજબૂત સ્કોર બનાવી લીધો હતો.

ધવનના 92, પંતના 58, ભારતનો છેલ્લા બોલે વિજય

182 રનના ટાર્ગેટનો પીછો કરવા ઉતરેલી ભારતીય ટીમની શરૂઆત નબળી રહી. ટીમને ત્રીજી જ ઓવરમાં કેપ્ટન રોહિત શર્મા (4) રૂપમાં પ્રથમ ઝટકો લાગ્યો. KL રાહુલ(17) અને શિખર ધવને બીજી વિકેટ માટે ઝડપી 41 રન જોડ્યા હતા. રાહુલના આઉટ થયા બાદ બેટિંગમાં આવેલા ઋષભ પંત (58)એ ધવન સાથે ત્રીજી વિકેટ માટે વિજયી 130 રનની ભાગીદારી નોંધાવી હતી. એક સમયે લાગી રહ્યું હતું કે, ભારત આસાનીથી મેચ જીતી જશે પણ છેલ્લા સમયે ધવન (92)ની વિકેટ પડતા મેચ છેલ્લા બોલ સુધી ગઈ હતી જ્યાં ભારતનો વિજય થયો હતો.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat https://ift.tt/2PmYbQ9