અહીં ફરવા માટે બેસ્ટ છે નવેમ્બર મહિનો, જાણો અત્યારે જશો તો કેટલો ખર્ચ થશે

શિયાળાની શરૂઆતઃ

શિયાળાની શરૂઆત હરવા ફરવા માટે શ્રેષ્ઠ ઋતુ છે. ન બહુ ગરમી, ન બહુ ઠંડી. આવી ગુલાબી ઠંડકમાં ક્યાંય પણ ફરવાની મજા આવે છે પરંતુ અમે તમને એવી બે જગ્યાઓ વિષે જણાવવા જઈ રહ્યા છીએ જ્યાં તમે અત્યારે જશો તો તમને મજા પડી જશે.

રાજસ્થાનઃ

ચામડી બાળી નાંખે તેવી ગરમી બાદ નવેમ્બર મહિનો રાજસ્થાન ફરવા જવા માટે પરફેક્ટ છે. અહીં જઈને તમને લાગશે કે તમે ભારતીય સંસ્કૃતિની ખૂબ જ નજીક છો.

ક્યાં રોકાશો?

તમે રાજસ્થાનમાં લક્ઝરી બોટેલ, હવેલી અને ટોપ એન્ડ હોટેલ, મિડ રેન્જ કે બજેટ ફ્રેન્ડલી હોટેલ પસંદ રી શકો છો. જો તમારુ લિમિટેડ બજેટ હોય તો 10 દિવસની ટ્રીપ પર 40થી 50 હજાર રૂપિયા ખર્ચ થશે. મિડ રેન્જમાં 60થી 80 હજાર તથા ટોપ એન્ડ હોટેલમાં 90 હજારથી 1.2 લાખ રૂપિયા સુધી ખર્ચ થઈ શકે છે.

નવેમ્બરમાં જ કેમ?

આ મહિનો રાજસ્થાનમાં ફરવા માટે શ્રેષ્ઠ છે કારણ કે આ સમયે ગરમી એકદમ પૂરી થઈ ગઈ હોય છે અને શિયાળાની શરૂઆત થઈ હોય છે. હવામાન ન તો બહુ ઠંડુ હોય છે ન તો બહુ ગરમ. આથી ફરવાની મજા આવે છે.

ક્યાં ફરી શકાય?

તમે રાજસ્થાનમાં ક્યાં ફરવા માંગો છો તેનુ લિસ્ટ બનાવો. આ લિસ્ટમાં જયપુર, જેસલમેર, જોધપુર, બીકાનેર, ઉદયપુર, પુષ્કર, માઉન્ટ આબુ અને અજમેરને જરૂર શઆમેલ કરજો. નવેમ્બરમાં રાજસ્થાનમાં ત્રણ મેળાનું આયોજન થાય છે જેમાં ઊંટોના મેળા પુષ્કર (19થી 25 નવેમ્બર), ચંદ્રભાગા મેળો (24-26 નવેમ્બર) અને બુંદીનો ઉત્સવ (28-30 નવેમ્બર) જેવા ઉત્સવોનો સમાવેશ થાય છે. આ મહિને રાજસ્થાન જવાનું સૌથી મોટુ કારણ એ જ છે.

જાપાનઃ

જો તમે દેશ બહાર, એશિયાના કોઈ બીજા દેશમાં ફરવા માંગતા હોવ તો આ સીઝનમાં જાપાન બેસ્ટ છે. જાપાનને ઉગતા સૂર્યનો દેશ કહેવામાં આવે છે. તે 6852 ટાપુઓનો સમૂહ છે. અહીંના ફેમસ શહેર ટોકિયો, ક્યોટો, ઓસાકા અને હિરોશિમા છે.

નવેમ્બરમાં કેમ?

આ સમયે જાપાનમાં આબોહવા સૂક્કી અને સૌમ્ય હોય છે. અહીં રંગબેરંગી ફૂલ ખીલે છે. આ સમયે ફ્લાઈટ્સની ટિકીટ સસ્તી હોય છે અને ભીડ ઓછી.

શું જોવા જેવું છે?

જાપાન ફરવા તમારે બે અઠવાડિયાનો સમય જોઈએ. શરૂઆત ટોકિયોથી કરો, અહીં થોડા કલાકો વિતાવો. 2 દિવસ કામાકુરા અને નિક્કોમાં જાયન્ટ બુદ્ધ સ્ટેચ્યુની મુલાકાત લો. આ પછી સીધા ટાકાયમા જાવ અને એક દિવસ વીતાવો. આ બાદ જાપાનની સંસ્કૃતિ, ગાર્ડન, મંદિર અને મહેલોના મનોરમ્ય દૃશ્ય જોવા માટે ક્યોટોમાં ત્રણ દિવસ રોકાવ. ત્યાર બાદ તમે નારા, માઉન્ટ કોયા, ઓસાકા, હિરોશિમા જઈ શકો છો.

કેવી રીતે પહોંચશો?

નવેમ્બરમાં અમદાવાદથી જાપાનની ફ્લાઈટની ટિકિટ 45-55 હજારની આસપાસ હોય છે અને ફ્લાઈટમાં 14 કલાક જેટલો સમય લાગે છે.

ક્યાં રોકાશો?

તમે વેસ્ટર્ન અથવા તો પરંપરાગત જગ્યાઓએ રોકાઈ શકો છો. વેસ્ટર્ન માટે ડીલક્સ (5000 રૂ. પ્રતિ વ્યક્તિ પર નાઈટ), બિઝનેસ (3300-5000 રૂ.) પેશંસ (2800-4100 રૂ.) અને યૂથ હોટેલ (1600-2200 રૂ.) ખર્ચ થશે. તમે હોમ સ્ટે, ટેમ્પલ લોજિંગ (2200 રૂ.થી શરૂ) અથવા તો એપાર્ટમેન્ટ અથવા હોમ રેન્ટલની સુવિધા પણ લઈ શકો છઓ.

from Lifestyle Tips in Gujarati, જીવનશૈલી ટીપ્સ, Daily Lifestyle Tips – Page Array – I Am Gujarat https://ift.tt/2DhXVuL