આવી ગઈ છે નવી સ્કોર્પિયો, જાણો તેની ખાસિયતો વિશે

સ્કોર્પિયોનું નવું વેરિયન્ટ લોન્ચ

નવી દિલ્હીઃ મહિન્દ્ર સ્કોર્પિયો ભારતીય માર્કેટમાં ખૂબ જ લોકપ્રિય એસયૂવી છે. આ લોકપ્રિયતાના કારણે જ કંપનીએ સ્કોર્પિયોનું નવું વેરિયન્ટ S9 લોન્ચ કર્યું છે. Mahindra Scorpio S9ની દિલ્હીમાં એક્સ શોરૂમ કિંમત 13.99 લાખ રૂપિયા રાખવામાં આવી છે. સ્કોર્પિયો એસ9 વેરિયન્ટ એસયૂવીના એસ11 વેરિયન્ટથી સસ્તું છે પરંતુ તેમાં મોટાભાગના મહત્વપૂર્ણ ફીચર્સ રહેલા છે.

પહેલા જેટલું દમદાર હશે એન્જિન

સ્કોર્પિયોના S9 વેરિયન્ટના એન્જિનમાં કોઈ ફેરફાર કરવામાં આવ્યો નથી. તેમાં પણ 2.2 લીટર ટર્બો ડીઝલ એન્જિન છે. જે 140hpનો પાવર અને 320Nm ટોર્ક જનરેટ કરે છે. એન્જિનને 6 સ્પીડ મેન્યુઅલ ટ્રાન્સમિશનથી સુસજ્જ કરાયું છે. એસ9 વેરિયન્ટમાં સ્કોર્પિયો એસ 11 વેરિયન્ટના ઘણા શાનદાર ફીચર્સ આપવામાં આવ્યા છે.

નવા વેરિયન્ટમાં છે શાનદાર ફીચર્સ

નવી સ્કોર્પિયોમાં ઓટોમેટિક ક્લાઈમેટ કંટ્રોલ, ડ્યુઅલ એરબેગ્સ, એબીએસ, કોર્નિંગ પ્રોજેક્ટર હેડલેમ્પ્સ, નેવિગેશનની સાથે 5.9 ઈંચની ટચસ્ક્રીન સિસ્ટમ અને ઈન્ટીગ્રેટેડ ટર્ન ઈન્ડીકેટર્સ સાથે ORVM છે. આ ઉપરાંત તેમાં સ્ટીયરિંગ વ્હીલ પર ઓડિયો અને ક્રૂઝ કંટ્રોલ બટન આપેલા છે.

આ કાર્સ સાથે હશે ટક્કર

ભારતીય માર્કેટમાં સ્કોર્પિયોની ટક્કર ટાટા હેક્સા અને ટાટા સફારી સ્ટોર્મ જેવી એસયૂવી સાથે છે. ટાટાની વર્ષ 2019ના શરૂઆતમાં લોન્ચ થનારી હેરિયર એસયૂવી પણ મહિન્દ્રાની સ્કોર્પિયોને ટક્કર આપી શકે છે. તો બીજી તરફ મહિનાના અંત સુધીમાં મહિન્દ્રા પોતાની ફ્લેગશીપ એસયૂવી Alturas લોન્ચ કરવાની છે. આ બાદ વર્ષે 2019માં કંપની કોમ્પેક્ટ એસયૂવી S201ને લોન્ચ કરશે.

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat https://ift.tt/2qJQc16